جوائنٹ تھراپی کیا ہے جو عامر خان اپنی بیٹی کے ساتھ کر رہے ہیں؟

ایسی صورت حال میں ہم فیملی کے ساتھ مل کر یہ فیصلہ کرتے ہیں کہ متاثرہ شخص کو کیسے سنبھالنا ہے۔ دراصل اپنی بیماری کے بارے میں گھر والوں کو بتانا بھی فیملی تھراپی کا ایک حصہ ہے۔

یہ بھی پڑھیں: دلیپ کمار سے طلاق کے بعد اسما کیوں بیرون ملک جانے پرمجبور ہوئیں؟

کیا لوگ علاج کے لیے تیار ہیں؟

کیا لوگ اس بات سے اتفاق کرتے ہیں کہ ہمارا رشتہ ٹوٹ چکا ہے اور ہمیں اسے ٹھیک کرنے کے لیے مدد کی ضرورت ہے؟

ڈاکٹر جوشی کہتے ہیں کہ 'لوگ یہ قبول ہی نہیں کرتے کہ انھیں علاج کی ضرورت ہے۔ ابھی آٹھ دن پہلے ایک ماں اور بیٹی میرے پاس آئی تھیں۔ ماں کی عمر ستر سال اور بیٹی کی عمر چالیس سال سے زیادہ تھی۔ لڑکی اعلی تعلیم یافتہ ہے اور اعلی عہدے پر ملازمت کرتی ہے۔ اس کی طلاق ہو گئی اور وہ ڈپریشن میں چلی گئی۔'

'ماں نے کہا کہ اسے دوبارہ شادی کر لینی چاہیے۔ وہ اس معاملے پر لگاتار آپس میں بحث کر رہے تھے اور معاملہ اتنا بڑھ گیا کہ لڑکی نے کہا کہ اگر میری ماں مر بھی جائے تو بھی مجھے کوئی فرق نہیں پڑتا۔'

'اعلیٰ تعلیم یافتہ لڑکی نے یہ قبول نہیں کیا کہ اسے مدد کی ضرورت ہے۔ انھوں نے کہا کہ ماں کو جو بھی مسئلہ ہے، اس کا علاج ہونا چاہیے جبکہ حقیقت میں لڑکی کے ڈپریشن کا علاج کرنے کی ضرورت تھی۔'

'اس کے بعد وہ فیملی تھراپی کے ذریعے بات چیت پر راضی ہو گئے لیکن مسئلہ یہ ہے کہ لوگ یہ تسلیم نہیں کرتے ہیں کہ انھیں تھراپی کی ضرورت ہے۔'

سب سے پہلے کچھ کلینیکل ٹیسٹ ہوتے ہیں جنھیں سائیکومیٹرک ٹیسٹ بھی کہا جاتا ہے جس کے بعد آنے والے کی ذہنی حالت کے بارے میں یہ جاننے میں مدد ملتی ہے کہ اُن کے ساتھ مسئلہ ہے کیا۔

اسی کے ساتھ ساتھ یہ معلوم کرنے میں بھی مدد ملتی ہے کہ مریض کا علاج کیسے شروع کیا جائے۔

ڈاکٹر جوشی کہتے ہیں کہ 'یہ سب انسان کی فطرت اور بہت سی چیزوں پر اس کے رد عمل پر منحصر ہے۔ چاہے وہ ایک خاموش شخص ہو یا کھل کر اپنے خیالات اور جذبات کا اظہار کرنے والا شخص۔'

'اس ٹیسٹ کو کرنے کے بعد اس شخص کی خوبیاں اور مسائل سامنے آتے ہیں اور پھر اس قسم کی تھراپی میں ہم سب سے پہلے مریض کے قریبی لوگوں کو بتاتے ہیں اور سکھاتے ہیں کہ آپ متاثرہ شخص کی مدد کرنے کے لیے کیا کر سکتے ہیں۔'

یہ بھی پڑھیں: مرد کے دوسرے، تیسرے یا چوتھے نکاح پر شریعت میں کوئی قدغن نہیں،اسلامی نظریاتی کونسل

نسلی صدمے کا تصور

نفسیات میں نسلی صدمے کا ایک تصور موجود ہے۔ مثلاً اگر ایک ساس اپنی بہو کے ساتھ خاص برتاؤ کرتی ہے، تو جب وہ بہو ساس بنے گی تو وہ بھی اپنی بہو کے ساتھ ویسا ہی برتاؤ کرے گی۔

اسی طرح، اگر ایک باپ چھوٹی چھوٹی باتوں پر غصہ کیے بغیر اپنے بیٹے کو پیٹتا ہے تو وہ بیٹا بھی باپ بننے کے بعد ایسا ہی کرے گا۔

اس کا مطلب یہ ہے کہ اگر ایک نسل کو صدمہ پہنچتا ہے یا اسے کسی مسئلے کا سامنا کرنا پڑتا ہے، تو وہی صدمہ اگلی نسل تک منتقل ہو جاتا ہے بجائے اس کے کہ اس کا حل تلاش کیا جائے۔

اس معاملے میں پونے کی ماہر نفسیات شروتی فڈنویس کہتی ہیں کہ 'نسلی صدمے کا واحد حل فیملی تھراپی ہے۔ یہ تھراپی اس صدمے کو ایک نسل سے دوسری نسل میں منتقل ہونے سے روکنے کے لیے اہم ہے کیونکہ برتاؤ کا طریقہ ہمارے ماضی کے تجربات سے متاثر ہوتا ہے۔'

'اگر باپ غصے میں ہے تو بچہ سوچتا ہے کہ یہ برتاؤ صحیح ہے، پھر وہ اپنے بچوں کے ساتھ بھی یہی کرتا ہے۔ ہمیں کسی کو یہ بتانے کی ضرورت ہے کہ ہمارا سوچنے کا طریقہ کتنا غلط ہے اور صحیح عمل کیا ہے۔'

'اس تھراپی کے ذریعے ہم سیکھتے ہیں کہ نسلی صدمے کا علاج کیسے کیا جائے اور اگلی نسل کے ساتھ رابطہ کیسے قائم رکھا جائے۔'

تھراپی کے بعد آگے کیسے بڑھا جائے؟

ماہرین پہلے خاندانی تعلقات خراب ہونے کی وجہ جاننے کی کوشش کرتے ہیں۔

بہت سے معاملات میں جو کچھ ہوتا ہے اس کی وجہ سے پیدا ہونے والا غصہ برسوں تک ذہن میں رہتا ہے اور لوگ اسے بھول نہیں پاتے۔

ماہر نفسیات شروتی کا کہنا ہے کہ 'ایسے معاملات میں ہم کمٹمنٹ تھراپی کا استعمال کرتے ہیں۔ یعنی جو کچھ ہوا اسے قبول کر کے مستقبل میں بہتر کرنے کا عزم کریں۔'

شروتی کہتی ہیں کہ 'ہم آپ کو سکھاتے ہیں کہ آپ جو کچھ گزر چکے ہیں اسے پیچھے چھوڑیں اور آگے بڑھنے کے طریقے تلاش کریں۔'

ڈاکٹر جوشی ایک اور اہم بات کی جانب توجہ دلاتے ہیں کہ 'ہمیں یہ جاننا ضروری ہے کہ ہم کیا برداشت کر سکتے ہیں۔'

ماہر نفسیات شروتی بھی یہی کہتی ہیں کہ ’ہم نے نہ تو حدود مقرر کی اور نہ ہی دوسروں کے لیے ایسا کبھی سوچا۔ پہلے تو ایسا لگتا ہے کہ لوگ خود غرض ہیں لیکن بعد میں تعلقات بہتر ہو جاتے ہیں کیونکہ ایک دوسرے سے توقعات محدود ہوتی ہیں۔‘

لیکن تمام ماہرین اس بات پر متفق ہیں کہ فیملی تھراپی کے بارے میں معاشرے میں اتنا شعور نہیں، جتنا ہونا چاہیے۔

نکیتا مولے کہتی ہیں کہ ’ہمیں اس سوچ کو بالائے طاق رکھنا ہوگا کہ ہم گھریلو معاملات کے بارے میں بیرونی دنیا سے کیوں بات کریں۔ جن لوگوں کے پاس آپ تھراپی کے لیے جاتے ہیں وہ ماہرین ہیں اور وہ آپ کی مدد کرنا چاہتے ہیں۔‘

’آپ کی بات سننے کے بعد وہ آپ کے بارے میں مفروضے نہیں بناتے۔ وہ آپ کو اپنے مسائل سے نکلنے کا راستہ تلاش کرنے میں مدد کرتے ہیں۔‘