پی سی بی کی بڑی سرجری، 38 عہدیداروں کو نوکری سے نکال دیا گیا

پاکستان کرکٹ بورڈ کی کارروائی

لاہور (ویب ڈیسک) پاکستان کرکٹ بورڈ (پی سی بی) نے آپریشن کلین اپ کے تحت ڈومیسٹک کرکٹ میں کوچنگ کے فرائض انجام دینے والے 38 کوچز کو فارغ کر دیا ہے۔ یہ برطرفیاں ایک ماہ پہلے تیار ہونے والے پروانے کی روشنی میں کی گئی ہیں۔

یہ بھی پڑھیں: انسانی حقوق تنظیموں سے اپیل ہے وہ اڈیالہ جیل کا دورہ کریں، زرتاج گل

برطرف ہونے والے اہم کوچز

نجی ٹی وی آج نیوز کے مطابق سابق ٹیسٹ کرکٹر اکرم رضا کا کنٹریکٹ بھی ختم کر دیا گیا ہے۔ دیگر برطرف ہونے والے کوچز میں مجاہد جمشید، شاہد علی خان، طیب طاہر، جمیل، ہارون اور متعدد دیگر شامل ہیں۔

نئی کمیٹی کی تشکیل

پی سی بی نے ڈومیسٹک کوچنگ کی کارکردگی کا جائزہ لینے کے لیے ایک کمیٹی بھی تشکیل دی ہے، جس میں اظہر علی، اسد شفیق، جنید ضیا اور خرم نیازی شامل ہیں۔ یہ کمیٹی مستقبل میں کوچنگ کی بہتری کے لیے سفارشات پیش کرے گی.