ناخنوں پر نشانات کن خطرناک بیماریوں میں مبتلا ہونے کا اشارہ ہیں؟
ناخنوں کی صحت اور بیماریوں کا اشارہ
لاہور (ویب ڈیسک) ناخن نہ صرف ہاتھوں کی خوبصورتی کو بڑھاتے ہیں بلکہ یہ آپ کی بیماریوں میں مبتلا ہونے کی جانب بھی اشارہ دیتا ہیں۔
ناخنوں کی حالت اور صحت
نجی ٹی وی جیو نیوز کے مطابق ناخن کا رنگ، ان پر موجود سفید نشان، یا ناخن کا ٹوٹ پھوٹ کا شکار ہونا کوئی عام بات نہیں ہے۔ یہ ناخن آپ کو بہت سی بیماریوں کے حوالے سے خبردار کر رہے ہوتے ہیں۔
زرد رنگ کے ناخن
اکثر لوگوں کے ناخن زرد رنگ کے ہوتے ہیں، جو نہ صرف بدنما لگتے ہیں بلکہ یہ آپ کے جسم میں خون کی کمی کا اشارہ بھی دیتے ہیں۔
ناخنوں پر موجود سفید نشان
بڑوں کے ساتھ ساتھ بچوں کے ناخنوں پر بھی سفید رنگ کے نشان پائے جاتے ہیں، جس کی وجہ جسم میں زنک اور کیلشیم کی مقدار کا کم ہونا ہے۔
گول سوجے ہوئے ناخن
کچھ لوگوں کے ناخنوں کی شکل آگے سے گول ہوتی ہے، ایسے ناخن پھیپھڑوں اور دل کے مرض میں مبتلا ہونے کا پتہ دیتے ہیں۔
نیلی رنگت کے ناخن
بعض افراد کے ناخن نیلی رنگت کے ہوتے ہیں، جو خون میں آکسیجن کی کمی کی طرف اشارہ کرتے ہیں، یہ ناخن سانس کی بیماری کی نشاندہی بھی کر سکتے ہیں۔
