تحریک انصاف کا احتجاج، آئی جی اسلام آباد کی ڈی چوک میں میڈیا سے گفتگو،اہم بیان جاری کردیا

آئی جی اسلام آباد کا بیان

اسلام آباد(ڈیلی پاکستان آن لائن) آئی جی اسلام آباد علی ناصر رضوی نے کہاہے کہ کسی بھی شرانگیزی سے نمٹنے کیلئے تیار ہیں، سکیورٹی پلان کا مقصد شرانگیزی کو روکنا ہے۔

یہ بھی پڑھیں: پسماندہ طبقات کی بحالی پنجاب حکومت کی اولین ترجیح ہے: سہیل شوکت بٹ کا خصوصی افراد میں 1100 وہیل چیئرز کی فراہمی کی تقریب سے خطاب

اسلام آباد میں ہنگامی سکیورٹی انتظامات

نجی ٹی وی چینل جیو نیوز کے مطابق اسلام آباد ڈی چوک میں میڈیا سے گفتگو کرتے ہوئے آئی جی اسلام آباد نے کہاکہ لوگوں کی آمدورفت کو یقینی بنایاجارہا ہے، رکاوٹیں ضرور ہیں لیکن آمدورفت کے سلسلے کو بند نہیں کیا۔

یہ بھی پڑھیں: پنجاب کے 13 حلقوں میں ضمنی انتخابات، مہم آج رات 12 بجے ختم ہو جائے گی۔

امن و امان کی بحالی

علی ناصر رضوی کا مزید کہناتھا کہ ہمارا کام امن و امان کو برقرار رکھنا ہے، اسلام آباد ہائیکورٹ کافیصلہ سب کے سامنے ہے۔ انہوں نے کہاکہ اسلحہ یا ممنوعہ چیز رکھنے والوں کیخلاف کارروائی ہوگی، سی ٹی ڈی کی جانب سے اسلام آباد بھر میں آپریشن جاری ہے۔

سکیورٹی کی اہمیت

انہوں نے کہاکہ سکیورٹی پر سمجھوتا نہیں ہوگا، شہری کسی ہنگامہ آرائی کا حصہ نہ بنیں، انتظامات عوام کے تحفظ کیلئے کئے ہیں۔ غیرقانونی سرگرمی پر کارروائی ہو گی، شہر میں دفعہ 144 نافذ ہیں۔ احتجاج یا ریلی نکالنے پر پابندی ہے، خلاف ورزی پر مقدمات درج ہونگے۔