دو سال میں 10 لاکھ نوجوانوں کو آئی ٹی کورسز کروائیں گے، امیر جماعت اسلامی کا اعلان

امیر جماعت اسلامی کا ترقیاتی منصوبہ

کراچی (ڈیلی پاکستان آن لائن) امیر جماعت اسلامی پاکستان حافظ نعیم الرحمان نے کہا ہے کہ پاکستان کو ایسا ملک بنانا چاہتے ہیں جو ترقی کرے۔ دو سال میں 10 لاکھ نوجوانوں کو آئی ٹی کورسز کروائیں گے۔

یہ بھی پڑھیں: ایران میں موجود چینی شہری اب کہاں ہیں؟ ترجمان چینی وزارت خارجہ نے اہم بیان جاری کر دیا

پاکستان کے مسائل

کراچی میں بنو قابل ٹیسٹ کے شرکاء سے خطاب کرتے ہوئے حافظ نعیم الرحمان نے کہا کہ پاکستان مسائل میں گھرا ہوا ہے۔ مہنگائی، بےروزگاری اور تعلیم کی کمی ہے۔ دو کروڑ 62 لاکھ بچے سکولوں سے باہر ہیں، میٹرک کے بعد طلبہ تعلیم چھوڑ دیتے ہیں۔ غریب لوگوں کیلئے یونیورسٹیوں میں جانا مشکل ہوگیا ہے۔

یہ بھی پڑھیں: خیبر پختونخوا میں دہشتگردوں کو بسانے والی جماعت اسلام آباد میں دہشتگردی کر رہی ہے: گورنر فیصل کریم کنڈی

پارلیمنٹ میں دولت کا قلعہ

حافظ نعیم الرحمان نے کہا کہ پارلیمان میں 90 سے 95 فیصد ارب پتی ہیں۔ گذشتہ برس 368 ارب ٹیکس تنخواہ دار طبقے نے جمع کروایا جبکہ سیکڑوں ایکڑ زمین رکھنے والوں نے صرف 4 ارب کا ٹیکس دیا۔

یہ بھی پڑھیں: کراچی: ہاکس بے سمندرمیں نہاتے ہوئے 3 نوجوان ڈوب گئے

تعلیمی نظام کی خامیاں

امیر جماعت اسلامی نے کہا کہ جو بجلی بنتی ہی نہیں، اس کے پیسے قوم ادا کرتی ہے۔ سندھ میں 49 ہزار سکول ہیں جبکہ 481 ارب سندھ کا تعلیمی بجٹ ہے۔ پیپلز پارٹی کی قیادت اپنے بچوں کو وہاں سے تعلیم نہیں دلوا سکتی۔

یہ بھی پڑھیں: پنجاب فرانزک سائنس ایجنسی عملے کی مبینہ غفلت کا معاملہ، 48 گھنٹوں میں رپورٹ طلب

تعلیم کا حق

حافظ نعیم نے کہا کہ وسائل سے مالا مال ملک پر چند لوگوں نے قبضہ کیا ہوا ہے۔ تعلیم جہاں قابل فروخت شے بن جائے وہ قوم ترقی نہیں کر سکتی۔ تعلیم مفت اور معیاری ملنا عوام کا حق ہے۔

یہ بھی پڑھیں: گرمیوں میں ہیٹ ریشز میں اضافہ کیوں ہوتا ہے اور اسے کیسے روکا جائے؟

خواتین کے مسائل

خواتین کو محفوظ روزگار اور ٹرانسپورٹ درکار ہے، خواتین کی شکایت کیلئے کوئی ادارہ موجود نہیں ہے۔

بنو قابل پروگرام

امیر جماعت اسلامی نے کہا کہ بنو قابل پروگرام علاقوں کے حساب سے آگے بڑھ رہا ہے۔ اپنے بچوں اور بچیوں کو موجودہ نظام کے سپرد نہیں کریں گے۔ لیپ ٹاپ دے کر تصویریں بنوانے والے نہیں، ضرورت پڑی تو لیپ ٹاپ بھی دیں گے۔