دو سال میں 10 لاکھ نوجوانوں کو آئی ٹی کورسز کروائیں گے، امیر جماعت اسلامی کا اعلان

امیر جماعت اسلامی کا ترقیاتی منصوبہ

کراچی (ڈیلی پاکستان آن لائن) امیر جماعت اسلامی پاکستان حافظ نعیم الرحمان نے کہا ہے کہ پاکستان کو ایسا ملک بنانا چاہتے ہیں جو ترقی کرے۔ دو سال میں 10 لاکھ نوجوانوں کو آئی ٹی کورسز کروائیں گے۔

یہ بھی پڑھیں: حج آپریشن شروع، پہلی پرواز اسلام آباد سے 428 عازمین کو لیکر مدینہ منورہ پہنچ گئی

پاکستان کے مسائل

کراچی میں بنو قابل ٹیسٹ کے شرکاء سے خطاب کرتے ہوئے حافظ نعیم الرحمان نے کہا کہ پاکستان مسائل میں گھرا ہوا ہے۔ مہنگائی، بےروزگاری اور تعلیم کی کمی ہے۔ دو کروڑ 62 لاکھ بچے سکولوں سے باہر ہیں، میٹرک کے بعد طلبہ تعلیم چھوڑ دیتے ہیں۔ غریب لوگوں کیلئے یونیورسٹیوں میں جانا مشکل ہوگیا ہے۔

یہ بھی پڑھیں: سندھی شاعر کا قتل، لے پالک بیٹے کو سزائے موت سنا دی گئی

پارلیمنٹ میں دولت کا قلعہ

حافظ نعیم الرحمان نے کہا کہ پارلیمان میں 90 سے 95 فیصد ارب پتی ہیں۔ گذشتہ برس 368 ارب ٹیکس تنخواہ دار طبقے نے جمع کروایا جبکہ سیکڑوں ایکڑ زمین رکھنے والوں نے صرف 4 ارب کا ٹیکس دیا۔

یہ بھی پڑھیں: ٹرمپ کا شہزادہ محمدبن سلمان سے ہنگامی رابطہ، سعودی حمایت کا اعادہ

تعلیمی نظام کی خامیاں

امیر جماعت اسلامی نے کہا کہ جو بجلی بنتی ہی نہیں، اس کے پیسے قوم ادا کرتی ہے۔ سندھ میں 49 ہزار سکول ہیں جبکہ 481 ارب سندھ کا تعلیمی بجٹ ہے۔ پیپلز پارٹی کی قیادت اپنے بچوں کو وہاں سے تعلیم نہیں دلوا سکتی۔

یہ بھی پڑھیں: بنگلہ دیشی فضائیہ کے سربراہ حسن محمود خان کا نیول ہیڈکوارٹرز کا دورہ، نیول چیف ایڈمرل نوید اشرف سے ملاقات

تعلیم کا حق

حافظ نعیم نے کہا کہ وسائل سے مالا مال ملک پر چند لوگوں نے قبضہ کیا ہوا ہے۔ تعلیم جہاں قابل فروخت شے بن جائے وہ قوم ترقی نہیں کر سکتی۔ تعلیم مفت اور معیاری ملنا عوام کا حق ہے۔

یہ بھی پڑھیں: لاہور کی سڑکوں پر گھومنے پھرنے کی اجازت ہے فساد کرنے کی نہیں، عظمیٰ بخاری

خواتین کے مسائل

خواتین کو محفوظ روزگار اور ٹرانسپورٹ درکار ہے، خواتین کی شکایت کیلئے کوئی ادارہ موجود نہیں ہے۔

بنو قابل پروگرام

امیر جماعت اسلامی نے کہا کہ بنو قابل پروگرام علاقوں کے حساب سے آگے بڑھ رہا ہے۔ اپنے بچوں اور بچیوں کو موجودہ نظام کے سپرد نہیں کریں گے۔ لیپ ٹاپ دے کر تصویریں بنوانے والے نہیں، ضرورت پڑی تو لیپ ٹاپ بھی دیں گے۔