لاہور ہائیکورٹ نے سموگ تدارک درخواستوں کا تحریری حکم جاری کر دیا

لاہور ہائیکورٹ کا سموگ تدارک کے حوالے سے حکم

لاہور(ڈیلی پاکستان آن لائن) لاہور ہائیکورٹ نے سموگ تدارک کے لیے درخواستوں کا تحریری حکم جاری کر دیا۔ جسٹس شاہد کریم نے 3 صفحات پر مشتمل یہ تحریری حکم جاری کیا۔

یہ بھی پڑھیں: پلیز ! نا تو گندی ویڈیوز بنائیں اور نہ ہی سوشل میڈیا پر شیئر کریں، چاہت فتح علی خان کی نوجوان لڑکے اور لڑکیوں سے درخواست

سکولوں کی ذمہ داریاں

نجی ٹی وی چینل دنیا نیوز کے مطابق، تحریری حکم میں یہ بات بھی کہی گئی ہے کہ موسم سرما کی چھٹیوں کے بعد سکولز بچوں کو ٹرانسپورٹ فراہم کریں۔ محکمہ سکول ڈیپارٹمنٹ سکولز کو حتمی نوٹس بھی جاری کرے گا۔ جو سکول عدالتی احکامات کی خلاف ورزی کرے گا، اسے سیل کردیا جائے گا۔

یہ بھی پڑھیں: فیصل واوڈا اور نجی ٹی وی کے اینکر کی جانب سے سنسنی خیزی کی ناکام کوشش کی گئی: عظمیٰ بخاری

حکومت کی جانب سے اقدامات

لاہور ہائیکورٹ کے حکم نامے میں مزید کہا گیا ہے کہ ایڈووکیٹ جنرل پنجاب نے بتایا ہے کہ حکومت آلودگی اور سموگ پر قابو پانے کے اقدامات کر رہی ہے۔ فصلوں کی باقیات جلانے والوں کے خلاف کارروائیاں کرکے مقدمات درج کیے جا رہے ہیں۔ فصلوں کی باقیات جلانے سے روکنے کے لیے افسران کی ڈیوٹیاں لگائی گئی ہیں۔

محکمہ ٹرانسپورٹ کے اقدامات

محکمہ ٹرانسپورٹ نے دھواں چھوڑنے والی گاڑیوں کے خلاف کارروائیاں شروع کردی ہیں، اور لاہور ہائیکورٹ نے محکمہ ٹرانسپورٹ کے ان اقدامات کی تعریف کی ہے۔