ویرات کوہلی نے ورلڈ ریکارڈ میں اپنا نام لکھوا لیا ، بڑی کامیابی
ویرات کوہلی کا تاریخی کارنامہ
نئی دہلی (ویب ڈیسک) بھارتی کرکٹر ویرات کوہلی نے سابق لیجنڈری بلے بازوں سچن ٹنڈولکر اور ڈان بریڈ مین کے ریکارڈ توڑ کر تاریخ رقم کردی۔
یہ بھی پڑھیں: رینجرز نے معرکۂ حق میں بہت اچھی کارکردگی دکھائی، اب باقاعدہ وار فائیٹنگ فورس ہے: ڈی جی رینجرز پنجاب
پرتھ میں شاندار سنچری
سٹار بلے باز ویرات کوہلی نے اتوار کو پرتھ میں آسٹریلیا کے خلاف بارڈر گواسکر ٹرافی کے پہلے ٹیسٹ میچ میں اپنے ٹیسٹ کیریئر کی 30 ویں سنچری بنائی جبکہ آسٹریلوی سرزمین پر یہ انکی 7 ویں سنچری تھی۔
یہ بھی پڑھیں: وزیراعظم وطن واپس پہنچ گئے
بھارتی بلے بازوں میں سب سے زیادہ سنچریاں
ویرات کوہلی آسٹریلیا کی سرزمین پر سب سے زیادہ 7 سنچریاں بنانے والے بھارتی بلے باز بن گئے ہیں۔
یہ بھی پڑھیں: گاڑی فرید ایکسپریس حضرت داتا گنج بخشؒ کے شہر لاہور سے روانہ ہوتی ہے،گوردواہ ہرمیندر صاحب کی تعمیر کا آغاز حضرت میاں میرؒ کے ہاتھوں ہوا
ماضی کے ریکارڈز کا توڑنا
اس سے قبل سچن ٹنڈولکر آسٹریلیا میں 6 ٹیسٹ سنچریاں بناکر سب سے زیادہ ٹیسٹ سنچریاں بنانے والے بھارتی بلے باز تھے۔
یہ بھی پڑھیں: کے پی کے گورنر صوبے میں مہمان اداکار، کام صرف فیتے کاٹنا ہے: بیرسٹر سیف
کوہلی کا شاندار ریکارڈ
سچن ٹنڈولکر نے یہ کارنامہ 20 میچز کھیل کر انجام دیا تھا جبکہ ویرات کوہلی نے صرف 14 میچوں میں 7 سنچریاں بنائی ہیں۔
یہ بھی پڑھیں: مصطفیٰ قریشی نے ہمایوں سعید کی اصل عمر بتادی
سر ڈان بریڈمین کا ریکارڈ
علاوہ ازیں ویرات کوہلی نے اپنی 30 ٹیسٹ سنچری بناکر کرکٹ کی تاریخ کے عظیم ترین آسٹریلوی بیٹسمین سر ڈان بریڈمین کو بھی پیچھے چھوڑ دیا، ڈان بریڈ مین نے ٹیسٹ کرکٹ میں 29 سنچریاں بنائی تھیں۔
سچن ٹنڈولکر کا مجموعی ریکارڈ
واضح رہے کہ سچن ٹنڈولکر ٹیسٹ کرکٹ میں 51 سنچریوں کے ساتھ سر فہرست ہیں، جنوبی افریقا کے جیک کیلس 45 ٹیسٹ سنچریوں کے ساتھ دوسرے، رکی پونٹنگ 41 سنچریوں کے ساتھ تیسرے نمبر پر ہیں۔
