یوٹیوب شارٹس بنانے والوں کیلئے خوشخبری

یوٹیوب شارٹس کی نئی سہولت

لاہور (ویب ڈیسک) اگر آپ یوٹیوب شارٹس بنانا پسند کرتے ہیں تو اب آرٹی فیشل انٹیلی جنس (اے آئی) ٹیکنالوجی سے یہ کام زیادہ آسان ہو جائے گا۔

یہ بھی پڑھیں: ایران نے تل ابیب اور حیفہ پر میزائل اور ڈرونز سے حملہ کر دیا

ڈریم سکرین کا اعلان

نجی ٹی وی جیو نیوز کے مطابق کمپنی کی جانب سے ڈریم سکرین نامی فیچر کا اعلان کیا گیا ہے، اس فیچر سے صارفین شارٹس ویڈیوز میں اے آئی سے تیار کردہ ویڈیو بیک گراؤنڈ استعمال کرسکیں گے۔

یہ بھی پڑھیں: نائب وزیراعظم اسحاق ڈار کا آئندہ ہفتے دورہ سعودی عرب کا امکان

ماضی کی حدیں ختم

واضح رہے کہ یہ کوئی نیا فیچر نہیں مگر اب تک اس فیچر سے صرف امیج بیک گراؤنڈ ہی تیار کیے جاسکتے تھے۔ایسا گوگل کے اے آئی ویڈیو جنریشن ماڈل ویو (Veo) سے ممکن ہوگا جو 1080p ریزولوشن ویڈیو متعدد سنیماٹک اسٹائلز میں تیار کرنے کی صلاحیت رکھتا ہے۔

یہ بھی پڑھیں: پاکستان کی جانب سے اروناچل پردیش سے متعلق رپورٹس پر چین کی حمایت

بیک گراؤنڈز کی تخلیق

صارفین اس فیچر کو استعمال کرکے ٹیکسٹ پروموٹ کے ذریعے اے آئی ویڈیو بیک گراؤنڈز تیار کرسکیں گے۔اس فیچر تک رسائی کے لیے آپ کو شارٹس کیمرے میں جانا ہوگا اور وہاں گرین اسکرین آئیکون اور پھر ڈریم سکرین کو سلیکٹ کرنا ہوگا۔

یہ بھی پڑھیں: پاکستان برکس میں شامل کیوں نہیں ہوا اور کیا اس اتحاد کی توسیع بھارت کے لیے تشویش کا باعث ہے؟

ویڈیو کے لئے ہدایتیں

وہاں آپ اپنی تحریری ہدایت ٹائپ کرسکتے ہیں اور جیسا پس منظر آپ کے ذہن میں ہو اس کے مطابق تحریر لکھنی ہوگی۔اس کے بعد اپنی پسند کے اسٹائل کا انتخاب کرکے Create پر کلک کرنا ہوگا.

یہ بھی پڑھیں: پنجاب میں پی ٹی آئی دور میں سالڈ ویسٹ مینجمنٹ کیلئے 310 گاڑیوں کی خلاف ضابطہ خریداری کا انکشاف

ویڈیو بیک گراؤنڈز کی اقسام

کمپنی نے بتایا کہ ڈریم سکرین ٹول سے متعدد اقسام کے ویڈیو بیک گراؤنڈز تیار کیے جا سکتے ہیں اور جب آپ کسی اے آئی ویڈیو بیک گراؤنڈ کو انتخاب کریں گے تو وہ ویڈیو کا حصہ بن جائے گا۔

مستقبل کی منصوبہ بندی

کمپنی کے مطابق مستقبل میں ڈریم اسکرین کے ذریعے 6 سیکنڈ طویل ویڈیو تیار کرنے کی سہولت بھی فراہم کی جائے گی۔یہ نیا فیچر فی الحال امریکا، کینیڈا، آسٹریلیا اور نیوزی لینڈ میں صارفین کے لیے متعارف کرایا گیا ہے۔