مکہ مکرمہ میں موسلا دھار بارش، سڑکیں زیر آب آگئیں

موسلا دھار بارش کا آغاز

ریاض (ڈیلی پاکستان آن لائن) پیر کو مکہ مکرمہ، طائف، سیل کبیر اور دیگر علاقوں میں موسلا دھار بارش ہوئی ہے۔ مکہ اور طائف میں سڑکیں زیر آب آ گئی ہیں، جس کے بعد انڈر پاس احتیاطاً بند کر دیے گئے ہیں۔

یہ بھی پڑھیں: جوڈیشل کمیشن اجلاس: سپریم کورٹ کے آئینی بینچ میں 6 ماہ کی توسیع، رولز کی منظوری

بارش کی پیشگوئی

سعودی عرب کے کئی دوسرے علاقوں میں منگل تک گرج چمک کے ساتھ بارش کی پیشگوئی کی گئی ہے۔ دارالحکومت ریاض، قصیم، حائل، حدود الشمالیہ، الشرقیہ، باحہ اور عسیر میں بھی بارش کی پیشگوئی کی گئی ہے۔

اسکولوں کی صورتحال

محایل عسیر، رجال المع اور مکہ ریجن کے علاقے القنفذۃ میں اسکول بند کرنے کی ہدایات کی گئی ہیں۔ محکمہ تعلیم کے مطابق منگل کو اسکولوں میں تعلیم آن لائن پورٹل کے ذریعے ہوگی۔