دیکھتے ہیں کہ حکومت کتنے دن شہر کو بند رکھتی ہے، رہنما پی ٹی آئی رؤف حسن

رہنما تحریک انصاف کا بیان

اسلام آباد (ڈیلی پاکستان آن لائن) رہنما تحریک انصاف رؤف حسن نے کہا ہے کہ اسلام آباد پہنچنا ہدف ہے۔ دیکھتے ہیں حکومت کتنے دن شہر بند رکھتی ہے۔

یہ بھی پڑھیں: مسلم لیگ ن کے اعلیٰ سطح کے وفد کی مولانا فضل الرحمان سے ملاقات

قافلے کی سٹرٹیجی

دنیا نیوز کے پروگرام میں گفتگو کرتے ہوئے رؤف حسن کا کہنا تھا کہ پی ٹی آئی قافلے کا سست ہونا ہماری سٹرٹیجی کا حصہ ہے۔ سارے قافلے اکٹھے ہو کر اسلام آباد میں داخل ہوں گے، قافلہ 26 نمبر چونگی پر موجود ہے۔

یہ بھی پڑھیں: بی ڈی ایس ڈگری 5 سال کرنیکا فیصلہ ، سیشن 25-2024ء سے نافذ العمل ہو گا

فیصلے کی ذمہ داری

انہوں نے کہا کہ اسلام آباد میں داخل ہونے کا فیصلہ لیڈرشپ نے کرنا ہے۔ اسلام آباد میں کونسی جگہ دھرنا دینا ہے، فیصلہ پارٹی کرے گی۔ آج بیرسٹر گوہر اور بیرسٹر سیف نے بانی پی ٹی آئی سے ہدایات لی ہیں، پشاور موڑ ہماری منزل نہیں ہے۔

پرامن ہدف

رہنما تحریک انصاف کا کہنا تھا کہ ہم نے ماضی میں سیکڑوں جلسے کیے، ایک گملہ بھی نہیں ٹوٹا۔ ہمارا کوئی ایسا ہدف نہیں جو پرتشدد ہو۔ ہمارا پہلا ہدف اسلام آباد پہنچنا تھا، ہم دیکھتے ہیں حکومت کتنے دن اسلام آباد بند رکھے گی۔