عوامی جلوس دہشتگردوں کیلئے سافٹ ٹارگٹ ہو سکتا ہے،پنجاب حکومت نے بڑا قدم اٹھا لیا

توسیع کا اعلان

لاہور (ڈیلی پاکستان آن لائن) حکومت پنجاب نے صوبہ بھر میں دفعہ 144 کے نفاذ میں منگل 26 نومبر سے جمعرات 28 نومبر تک 3 دن کے لیے توسیع کر دی۔

یہ بھی پڑھیں: گاؤں کا ہر کونہ ایک ویرانی اور بے سروسامانی کا جیتا جاگتا ثبوت تھا، مرچیں رگڑ رگڑ کر روٹی کا رول بنا لیتے، سالن پکانے کیلئے برتن تھے نہ سامان۔

پابندیاں اور وجوہات

محکمہ داخلہ پنجاب کے جاری کردہ نوٹیفیکیشن کے مطابق پنجاب بھر میں مزید 3 دن کے لیے ہر قسم کے احتجاج، جلسے، جلوس، ریلیوں، دھرنوں اور ایسی تمام سرگرمیوں پر پابندی عائد کی گئی ہے۔ دفعہ 144 میں توسیع کا فیصلہ امن و امان کے قیام، انسانی جانوں اور املاک کے تحفظ کے لیے کیا گیا۔

یہ بھی پڑھیں: پاکستان اور سعودی عرب کے درمیان سٹریٹجک میوچوئل ڈیفنس ایگریمنٹ (SDMA) پر دستخط کیا معنی رکھتے ہیں؟ سیکیورٹی ذرائع نے اہم تفصیلات شیئر کر دیں۔

سیکیورٹی خطرات پر تشویش

ترجمان محکمہ داخلہ پنجاب کے مطابق سیکیورٹی خطرات کے پیش نظر کوئی بھی عوامی جلوس دہشت گردوں کے لیے سافٹ ٹارگٹ ہو سکتا ہے۔

پچھلے دنوں کی صورتحال

یاد رہے کہ کابینہ کمیٹی برائے امن و امان کی سفارش پر گزشتہ 3 دنوں سے پنجاب بھر میں دفعہ 144 نافذ ہے۔ محکمہ داخلہ پنجاب نے صوبہ بھر میں دفعہ 144 کے نفاذ میں مزید 3 دن کی توسیع کی ہے جس کا نوٹیفیکیشن جاری کر دیا گیا ہے۔