روس کا یوکرین پر بڑا حملہ، رہائشی عمارتوں کو نقصان کی اطلاعات

روس کا یوکرین پر بڑا ڈرون حملہ

ماسکو (ڈیلی پاکستان آن لائن) روس نے یوکرین پر اب تک کا سب سے بڑا ڈرون حملہ کیا، جس میں 188 ڈرون استعمال کیے گئے۔ حملے میں رہائشی عمارتوں کو نقصان پہنچنے کی اطلاعات ہیں۔

یہ بھی پڑھیں: مظفر گڑھ: چائلڈ پورنو گرافی کا ایک اور بڑا کیس سامنے آ گیا، ملزم گرفتار

حملے کا اثر

غیر ملکی میڈیا کے مطابق، روسی حملے میں یوکرین کے مغربی علاقے ترنوپل میں بجلی کے انفراسٹرکچر کو نقصان پہنچا، جبکہ کیف میں رہائشی عمارتیں بھی متاثر ہوئیں۔ روس نے مجموعی طور پر 188 ڈرونز سے حملہ کیا، جن میں سے 76 ڈرونز یوکرینی فوج نے تباہ کردیے، جبکہ 96 ڈرونز کا کچھ پتا نہ لگ سکا۔

یہ بھی پڑھیں: خضدار واقعہ پر دل خون کے آنسو رو رہا، ملک دشمنوں کو کسی صورت نہیں چھوڑیں گے، نائب وزیراعظم

یوکرینی فوج کا جواب

یوکرینی فوج کا کہنا ہے کہ روس نے حملے میں خودکش ڈرونز سمیت کچھ نامعلوم ڈرونز بھی استعمال کیے۔ روس کی جانب سے یوکرینی دفاعی نظام کو ناکام بنانے کے لیے ڈمی ڈرونز بھی استعمال کیے گئے۔

کیف پر حملہ

دارالحکومت کیف پر حملہ آور ڈرونز میں سے 10 ڈرونز کو مارگرایا گیا، جن کا ملبہ رہائشی عمارتوں پر گرا۔ یوکرینی حکام کے مطابق، ڈرون حملے میں کسی قسم کا جانی نقصان نہیں ہوا۔