جاسوسی کا الزام، روس نے برطانوی سفارتکار کو ملک بدر کردیا

روس کا برطانوی سفارتکار کو نکالنے کا فیصلہ

ماسکو (ڈیلی پاکستان آن لائن) روس نے جاسوسی کے الزام میں برطانوی سفارتکار کو ملک سے نکال دیا۔

یہ بھی پڑھیں: ویڈیو: آئی فون 17 پرو میکس پاکستان میں یاسر شامی کو سب سے پہلے مل گیا، اس میں کیا کیا فیچرز ہیں اور 16 پرو میکس سے کتنا مختلف ہے؟ جانیے

جاسوسی کا الزام

غیر ملکی میڈیا کے مطابق، روس کی سیکیورٹی سروس ایف ایس بی نے منگل کو جاری بیان میں کہا کہ مبینہ برطانوی سفارت کار نے ملک میں داخل ہونے کے لیے جان بوجھ کر غلط معلومات فراہم کی تھیں۔

یہ بھی پڑھیں: غزہ میں اسرائیلی فوج کی بمباری سے مزید 250 فلسطینی شہید

سیکورٹی سروس کا انکشاف

بیان میں مزید کہا گیا کہ ’کاؤنٹر انٹیلی جنس کی کارروائی کے دوران، روسی فیڈرل سیکورٹی سروس نے ماسکو میں برطانوی سفارت خانے کے احاطہ میں ایک غیر اعلانیہ برطانوی انٹیلی جنس اہلکار کی موجودگی کا پتہ لگایا ہے‘۔

سفارتکار کا نام اور عہدہ

روسی ایف ایس بی نے مذکورہ سفارت کار کے انٹیلی جنس اور تخریبی کام کے آثار دریافت کیے ہیں جو روسی فیڈریشن کی سلامتی کے لیے خطرہ ہیں۔ روسی سیکیورٹی ادارے نے سفارتکار کا نام ایڈورڈ ولکس بتایا اور کہا کہ وہ سیکنڈ سیکرٹری تھا، جو نسبتاً جونیئر سفارتی عہدے پر فائز تھا۔