قائدین کے غائب ہونے پر پی ٹی آئی کے کار کنوں نے بشریٰ بی بی کے کنٹینر کو آگ لگا دی

پی ٹی آئی کا احتجاج

اسلام آباد (ڈیلی پاکستان آن لائن) ڈی چوک کی طرف بڑھنے والے پاکستان تحریک انصاف (پی ٹی آئی) کے احتجاج میں سے بشریٰ بی بی اور علی امین گنڈاپور کے اچانک غائب ہو جانے کی اطلاع ہے۔

یہ بھی پڑھیں: خلیج تعاون کونسل کا پاکستان اور بھارت سے فوری مذاکرات شروع کرنے کا مطالبہ

کارکنوں کا ردعمل

اس واقعے کے باعث مایوس کارکنان نے مرکزی قائدین کے لیے بنائے گئے کنٹینر کو آگ لگا دی۔ دوسری جانب یہ دعویٰ بھی سامنے آیا ہے کہ بشریٰ بی بی اور علی امین گنڈاپور کو گرفتار کیا جا چکا ہے جبکہ کارکنان کی پکڑ دھکڑ کا سلسلہ بھی جاری ہے۔

یہ بھی پڑھیں: بھارتی حکومت نے سیکیورٹی ناکامی کا الزام لیفٹیننٹ جنرل کمار پر ڈال دیا؟ ڈپٹی چیف آف اسٹاف پراتک شرما نادرن کمانڈر تعینات

علی امین گنڈاپور پر تنقید

اس سے قبل تحریک انصاف کے کارکنان نے علی امین گنڈاپور کو ڈی چوک کی جانب نہ جانے پر بھی تنقید کا نشانہ بنایا تھا اور ان کا گھیراؤ کر لیا تھا۔

انتظامیہ کی کارروائی

ادھر انتظامیہ نے پی ٹی آئی کارکنوں کو ڈی چوک سے پیچھے دھکیل دیا۔ کارکن بلیو ایریا میں موجود ہیں اور پیچھے ہٹنے پر مجبور ہیں۔ کچھ کارکن زیرو پوائنٹ کی طرف واپس چلے گئے۔