کوکنگ آئل کی قیمت نے عوام کے ہوش اُڑا دیئے

گھی اور کوکنگ آئل کی قیمتوں میں اضافہ

کراچی (ویب ڈیسک) گھی اور کوکنگ آئل کی بڑھتی قیمت نے چھوٹے کاروباری طبقے اور عوام کو پریشان کردیا ہے۔

یہ بھی پڑھیں: توشہ خانہ ٹو کیس؛ عمران خان، بشریٰ بی بی کی بریت کی درخواستیں سماعت کیلئے مقرر

چھوٹے کاروباری افراد کی مشکلات

نجی ٹی وی "اے آر وائی نیوز" کے مطابق حالیہ دنوں میں کوکنگ آئل کی قیمتوں میں اضافے سے چھوٹے کاروباری افراد کے لیے کام کرنا مشکل ہوگیا ہے۔ 400 روپے کلو ملنے والا تیل اب 510 اور 550 روپے تک مہنگا ہوگیا جس سے کاروباری اخراجات دگنے ہوگئے ہیں۔

یہ بھی پڑھیں: ہندو باورچی چولہے کے پاس سے روٹی پھینکتا اور ہم کونے میں بیٹھے دبوچتے، یہ تھی مسلمان سے نفرت جو پاکستان کے معرض وجود میں آنے کا سبب بنی

دکانداروں کی تشویش

دکاندار کا کہنا ہے کہ کاروبار متاثر ہوگیا اب کوئی بچت نہیں رہی، جو گھی کا کاٹن ساڑھے 6 ہزار روپے کا ملتا تھا اب ساڑھے 8 ہزار روپے میں مل رہا ہے۔

یہ بھی پڑھیں: پی ڈی ایم اے نے پنجاب میں گرمی کی شدت میں اضافے کا الرٹ جاری کردیا، درجہ حرارت میں معمول سے 6 سے 8 ڈگری تک اضافے کا امکان

شہریوں کی مشکلات

خریداروں کا کہنا ہے کہ غریب آدمی کہاں سے اخراجات پورے کرے گا، کوئی بھی اشیاء دیکھ لیں سب مہنگی ہیں عوام کو کسی ایک چیز کا بھی ریلیف نہیں ہے۔

یہ بھی پڑھیں: مُعروف سعودی سوشل میڈیا انفلوئنسر ابو مرضع المناک ٹریفک حادثے میں جاں بحق

حکومت سے اپیل

شہری کا کہنا تھا کہ حکومت سے اپیل ہے کہ عوام کے لیے تیل کی قیمتیں کم کی جائیں۔

قیمتوں میں اضافے کی وجوہات

کوکنگ آئل کی قیمتوں میں اضافے کی بڑی وجہ عالمی منڈی میں تیل کی قیمتیں بڑھنا اور مقامی سطح پر روپے کی قدر میں کمی قرار دی جارہی ہے۔