وزیراعلیٰ خیبرپختونخوا کا شہید ورکرز کے اہلخانہ کیلئے ایک ایک کروڑروپے امداد کااعلان

علی امین گنڈاپور کا بڑا اعلان

مانسہرہ(ڈیلی پاکستان آن لائن) وزیراعلیٰ خیبرپختونخوا علی امین گنڈاپور نے پی ٹی آئی احتجاج میں شہید ورکرز کے اہلخانہ کیلئے ایک ایک کروڑ روپے امداد کا اعلان کردیا۔

یہ بھی پڑھیں: دھی رانی پروگرام کا تیسرا مرحلہ، خانیوال میں 127 مسلمان اور 10 مسیحی جوڑوں کی اجتماعی شادی کی تقریب

پارٹی کے خلاف ظلم اور جیل میں رہنے والے رہنما

نجی ٹی وی چینل جیو نیوز کے مطابق مانسہرہ میں کارکنوں سے خطاب کرتے ہوئے علی امین گنڈاپور نے کہا کہ ڈھائی سال سے ہماری جماعت کو ظلم کا نشانہ بنایا جا رہا ہے۔ ہمارا لیڈر جیل میں ہے اور اس کی اہلیہ کو بھی جیل میں ڈال دیا گیا ہے۔ ہمیں عدالتوں سے بھی انصاف نہیں مل رہا۔

یہ بھی پڑھیں: متحدہ عرب امارات میں مقیم مسیحی کمیونٹی نے دبئی میں یومِ پاکستان منایا

احتجاج اور شہادتیں

جب بھی ہم جلسے جلوس کی بات کرتے ہیں تو ہمیں اجازت نہیں دی جاتی۔ ہمارے خلاف بے بنیاد مقدمات قائم کیے گئے ہیں۔ ہم نے اسلام آباد مارچ کے لیے پرامن احتجاج کی کال دی، لیکن احتجاج کے دوران ہمارے متعدد لوگ شہید اور سینکڑوں زخمی ہوئے۔ میں کارکنوں پر تشدد کی ایف آئی آر اپنی مدعیت میں درج کراؤں گا۔

شہید ورکرز کے اہلخانہ کی امداد

علی امین گنڈاپور نے مزید بتایا کہ ہمارے جتنے ورکرز شہید ہوئے، ان کے خاندان کیلئے ایک ایک کروڑ روپے کا اعلان کرتا ہوں۔