52 نئے سٹیڈیمز تعمیر کرنے کے ساتھ ریونیو بڑھانے کیلئے فوڈز سٹریٹس اور دکانیں بنائی جائیں گی، وزیرکھیل پنجاب

صوبائی وزیر کھیل کا اجلاس

لاہور(ڈیلی پاکستان آن لائن) صوبائی وزیر کھیل و امور نوجوانان پنجاب ملک فیصل ایوب کھوکھر نے اہم اجلاس کی صدارت کی۔ یہ اجلاس نیشنل ہاکی سٹیڈیم میں ہوا جس میں سپورٹس کے امور پر بات چیت کی گئی۔

یہ بھی پڑھیں: پختونخوا میں 33 ارب روپے کے مفت سولرائزیشن منصوبے میں سنگین بے ضابطگیاں

نئے سٹیڈیمز کی تعمیر

انہوں نے کہا ہے کہ 52 نئے سٹیڈیمز تعمیر کیے جائیں گے۔ اس کے ساتھ ساتھ ریونیو بڑھانے کے لیے فوڈز سٹریٹس اور دکانیں بھی بنائی جائیں گی۔ نشترپارک سپورٹس کمپلیکس میں سٹیڈیمز کے گرد شاپس بنائی جائیں گی۔

یہ بھی پڑھیں: پُل سے گرایا گیا 7دن کا بچہ جانور کے کاٹنے کے باوجود زندہ بچ گیا

مانیٹرنگ سیل کا قیام

صوبائی وزیر نے مزید کہا کہ سپورٹس اور ریونیو کی جانچ پڑتال کے لیے مانیٹرنگ سیل قائم کیا جائے گا۔ اس سیل میں ڈپٹی ڈائریکٹر اور 2 اسسٹنٹ ڈائریکٹرز شامل ہوں گے، جبکہ تمام ڈویژنز میں مانیٹرنگ آفیسرز تعینات کیے جائیں گے۔

یہ بھی پڑھیں: سمگلنگ کی بڑی کوشش ناکام، 618 قیمتی موبائل فون اور 40 ڈیوائسز برآمد

سپورٹس بورڈ میں اصلاحات

اجلاس میں سپورٹس بورڈ پنجاب کے بجٹ بڑھانے کے اقدامات پر بھی بات کی گئی۔ سپورٹس کی بہتری کے لیے سپورٹس بورڈ پنجاب کے آئین میں ترامیم کی جا رہی ہیں۔ پنجاب کے تمام سٹیڈیمز میں ریونیو کی موجودہ صورتحال کو جانچنے کے لیے 2 کمیٹیاں بنائی گئی ہیں۔

نئے اقدامات اور پروگرام

صوبائی وزیر نے CM پنجاب انٹرن شپ پروگرام کے تحت 6 ہزار گریجویٹس کو 25 ہزار روپے ماہانہ دینے کا اعلان بھی کیا۔ اجلاس میں نئی پوسٹوں اور افسران کے لیے وہیکلز کے بارے میں بھی اہم فیصلے کیے گئے، جس میں ڈائریکٹر ایڈمن ڈاکٹر محمد کلیم، ڈپٹی ڈائریکٹرز ظہور احمد، عطا الرحمن اور دیگر شامل تھے۔