عمر کی پرواہ کیے بغیر درست ساتھی ملنے پر شادی کرلینی چاہیے، پاکستانی اداکارہ کا بیان

مریم نفیس کی رائے

لاہور(ڈیلی پاکستان آن لائن) مقبول اداکارہ مریم نفیس نے کہا ہے کہ ان کے خیال میں عمر کی پرواہ کیے بغیر درست ساتھی ملنے پر شادی کرلینی چاہیے۔

یہ بھی پڑھیں: اگلے چند گھنٹوں میں کارکنوں کے ساتھ عمران خان کے اشارے پر جو کچھ ہونے والا ہے وہ سیاسی تاریخ کا غلیظ ترین عمل ہو گا: سینئر صحافی حماد حسن

مزاحیہ پروگرام 'گپ شب' میں شرکت

مریم نفیس نے حال ہی میں مزاحیہ پروگرام ’گپ شب‘ میں شرکت کی، جہاں انہوں نے مختلف معاملات پر کھل کر بات کی۔ پروگرام میں بات کرتے ہوئے مریم نفیس نے انکشاف کیا کہ شوبز انڈسٹری میں ان کے چند ہی دوست ہیں جو پہلے سے ہی ان کے دوست تھے۔

یہ بھی پڑھیں: سابق صدر عارف علوی کے بیٹے کا نام پی این آئی ایل میں شامل کرنے پر وفاقی حکومت کو نوٹس

دوستی کے بارے میں نظریہ

انہوں نے بتایا کہ انہوں نے اپنی زندگی میں یہ سیکھا ہے کہ ہر کوئی ہر کسی کا دوست نہیں ہوتا، ہر کسی سے مختلف تعلقات ہوسکتے ہیں لیکن دوستی نہیں ہوسکتی۔ اداکارہ کے مطابق لازمی نہیں کہ ساتھ کام کرنے والے افراد بھی دوست ہوں، وہ اچھے کام کرنے والے ساتھی ہوسکتے ہیں لیکن دوست نہیں ہوسکتے۔

یہ بھی پڑھیں: مودی نے ہمارا پانی بند کیا ہم سانس بند کردیں گے: حنیف عباسی

شوبز انڈسٹری میں تعلقات

مریم نفیس کا کہنا تھا کہ شوبز انڈسٹری میں خاندان اور ایک دوسرے سے انتہائی مخلص دوستی والی کوئی بات نہیں، تصاویر اور ویڈیوز میں صرف دکھاوا ہوتا ہے۔ انہوں نے بتایا کہ شوبز انڈسٹری میں ان کے جو چند دوست ہیں، وہ ان کے پہلے سے ہی دوست تھے۔

ماضی کی فلم کی پیشکش

ایک سوال کے جواب میں اداکارہ کا کہنا تھا کہ ماضی میں ایک بار انہیں فلم میں کام پیش کش ہوئی تھی اور انہوں نے کام کرنے کی حامی بھی بھری تھی لیکن کورونا کی وجہ سے مذکورہ فلم ہی نہ بن سکی۔