کراچی میں 9سکینڈ میں 55لاکھ روپے کی ڈکیتی
کراچی میں ڈکیتی کی حیران کن واردات
کراچی (ڈیلی پاکستان آن لائن) شہر قائد میں دن دیہاڑے 9 سکینڈ میں مبینہ طور پر 55 لاکھ روپے کی ڈکیتی کی واردات ہوئی ہے۔
یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟
واقعہ کی تفصیلات
نجی ٹی وی چینل دنیا نیوز کے مطابق کراچی کے علاقے قائدآباد میں شہری سے سرعام لوٹ مار کی فوٹیج سامنے آ گئی ہے۔ ویڈیو میں لٹیروں کو شہری سے رقم سے بھرا بیگ چھینتے دیکھا جا سکتا ہے۔ موٹر سائیکل سوار ڈاکوؤں نے شناخت چھپانے کیلئے ہیلمٹ پہن رکھے ہیں۔ ویڈیو میں دیکھا جا سکتا ہے کہ ایک ڈاکو نے اسلحہ نکال کر شہری کو دھمکایا اور دوسرے نے رقم سے بھرا بیگ چھینا اور فرار ہو گئے۔
پولیس کی کارروائی
پولیس کے مطابق راشد نامی شہری رقم بینک میں جمع کرانے جارہا تھا کہ نامعلوم افراد نے لوٹ لیا۔ واقعے کا مقدمہ درج کر لیا گیا ہے اور ملزمان کی گرفتاری کیلئے کوششیں شروع کر دی گئی ہیں۔
