پی ٹی آئی کے خلاف آپریشن کی رات ہسپتالوں کی کیا صورتحال تھی؟ پاکستانی ڈاکٹر کی بی بی سی سے گفتگو

اسلام آباد کے ڈاکٹروں کی تشویش

اسلام آباد(ڈیلی پاکستان آن لائن) بی بی سی سے بات کرتے ہوئے پولی کلینک اور پمز کے ڈاکٹرز نے کارروائی کے خدشے کی وجہ سے نام ظاہر نہ کرنے کی شرط پر بتایا کہ وہ اس بارے میں بات نہیں کر سکتے۔

یہ بھی پڑھیں: بین اسٹوکس نے ٹیسٹ میں سابق ہم وطن کھلاڑی کا ریکارڈ برابر کر دیا

آپریشن کی رات کی تفصیلات

ایک ڈاکٹر نے آپریشن کی رات کی صورتحال کے حوالے سے بتایا کہ انہوں نے "آج تک ایک رات میں اتنی سرجریز نہیں کی ہیں، جتنی آپریشن کی رات کی گئیں۔"

یہ بھی پڑھیں: نجف حمید کے خلاف آمدن سے زائد اثاثہ جات کی انکوائری شروع ، گرفتاری کے لیے چھاپے

زخمیوں کی حالت

پولی کلینک میں ایک ڈاکٹر نے بتایا کہ "بعض زخمی اس قدر تشویشناک حالت میں آئے کہ انہیں انیستھیزیا دینے کا انتظار کرنے کی بجائے ہمیں سرجریز شروع کرنی پڑیں۔ بہت سے مریض ایسے تھے جن کا خون بہت زیادہ بہہ چکا تھا۔"

ڈاکٹرز کی یادیں

بی بی سی سے بات کرتے ہوئے ایک اور ڈاکٹر نے کہا کہ "ہمارے پاس رش اس قدر زیادہ تھا کہ ہم نے ایک بیڈ پر دو دو سرجریز کیں اور گولیاں نکالی ہیں۔ جو میں نے رات کو یہاں دیکھا، وہ میں کبھی بھول نہیں سکوں گی۔"