چیئرمین پی ٹی آئی اور سیکرٹری جنرل کی تبدیلی کی خبریں درست نہیں ، شیخ وقاص اکرم کی وضاحت

اسلام آباد میں پی ٹی آئی میں اختلافات

اسلام آباد (ڈیلی پاکستان آن لائن) وفاقی دارالحکومت احتجاج کیلئے پہنچنے اور پھر وہاں سے فرار ہونے کے معاملے پر پی ٹی آئی میں اندرونی سطح پر اختلافات شروع ہو گئے ہیں جس کے پیش نظر سلمان اکرم راجہ اور صاحبزادہ حامد رضا کا استعفیٰ سامنے آیا۔

یہ بھی پڑھیں: آئینی مقدمات کو اب تک سماعت کے لیے کیوں مقرر نہیں کیا جا سکا؟ وجہ سامنے آ گئی

اسد قیصر کی وضاحت

تاہم اسد قیصر نے پارٹی چیئرمین بنائے جانے کی تردید کر دی ہے۔ انہوں نے کہا کہ یہ اطلاعات درست نہیں ہیں اور پارٹی نے ایسا کوئی بھی فیصلہ نہیں کیا ہے۔

شیخ وقاص اکرم کا بیان

ترجمان پی ٹی آئی شیخ وقاص اکرم کا کہنا تھا کہ چیئرمین پی ٹی آئی اور سیکرٹری جنرل کی تبدیلی کی خبریں غلط ہیں۔ بانی پی ٹی آئی نے پارٹی چیئرمین اور سیکرٹری جنرل کو نہیں ہٹایا۔ انہوں نے مزید کہا کہ پی ٹی آئی رہنما اور کارکنان ایسے پروپیگنڈے کو مسترد کرتے ہیں اور اس پر یقین نہ کرنے کی ہدایت کی۔ یہ سب کچھ موجودہ پارٹی قیادت کو نیچا دکھانے کے لیے کیا جا رہا ہے۔