وی پی این استعمال کرنے والے صارفین کیلئے اہم خبر

تاریخ میں توسیع کا امکان

اسلام آباد (ویب ڈیسک) ورچوئل پرائیویٹ نیٹ ورک (وی پی این) کی رجسٹریشن کروانے کی 30 نومبر کی ڈیڈلائن میں توسیع کا امکان ہے۔

یہ بھی پڑھیں: ایشیا کپ کی تاریخ میں پہلی بار پاکستان اور انڈیا فائنل کھیلیں گے

پی ٹی اے کی درخواست

اس حوالے سے پاکستان ٹیلی کمیونیکیشن اتھارٹی (پی ٹی اے) نے وزارت داخلہ سے تاریخ بڑھانے کی درخواست کر دی ہے۔ وی پی اینز کی رجسٹریشن کی تاریخ بڑھانے کا اختیار وزارت داخلہ کا ہے، جبکہ ڈیڈلائن قریب آنے کے باعث یومیہ 200 سے زائد وی پی اینز کی رجسٹریشن کی جارہی ہے۔

یہ بھی پڑھیں: حکومت عمران خان کو ہسپتال منتقل کرنے پر راضی تھی، عمران خان کی بہنوں اور حکومت میں ڈاکٹر کے نام پر اتفاق نہ ہوا تو منتقلی کا معاملہ ختم ہو گیا، نجی نیوز چینل کا دعویٰ

مشاورت کا عمل

ذرائع کا کہنا ہے کہ پی ٹی آئی نے وی پی این رجسٹریشن پر اسٹیک ہولڈرز سے مشاورت کی ہے، جنہوں نے رجسٹریشن کا طریقہ کار آسان بنانے اور تاریخ بڑھانے کی درخواست کی۔

یہ بھی پڑھیں: خدام الحجاج 2026ء کے لیے سرکاری ملازمین کی سلیکشن میں بے ضابطگیوں کا انکشاف

غیر رجسٹرڈ وی پی اینز کی بندش

واضح رہے کہ پی ٹی اے نے یکم دسمبر سے غیر رجسٹرڈ وی پی اینز کی بندش کا اعلان کر رکھا ہے۔

یہ بھی پڑھیں: اسلام آباد: سڑکوں پر افطار کرانے کے لیے رجسٹریشن لازمی قرار

وی پی این کا تعارف

وی پی این ورچوئل پرائیویٹ نیٹ ورک کا مخفف ہے، اور یہ ایک ایسے نیٹ ورک کا نام ہے جو صارفین کو پوشیدہ طور پر براؤزنگ کی اجازت دیتا ہے۔

وی پی این کا استعمال

ایسے تمام ممالک جہاں پر انٹرنیٹ صارفین کی سوشل میڈیا سائٹس تک رسائی ممکن نہیں ہوتی، وہاں پر وی پی این کی مدد سے صارفین اپنا مقام تبدیل کرکے ان سوشل میڈیا سائٹس کو استعمال کرسکتے ہیں۔