یورپی ممالک جانے کے خواہشمند افراد کے لیے بڑی خوشخبری، پی آئی اے پر عائد پابندی ختم

یورپی ایئرسیفٹی ایجنسی کی پابندی کا خاتمہ

کراچی(ڈیلی پاکستان آن لائن) یورپی ایئرسیفٹی ایجنسی نے پاکستان انٹرنیشنل ایئرلائن (پی آئی اے) پر عائد پابندی ختم کردی۔

یہ بھی پڑھیں: بیوی کو قتل کرکے آدمی نے گوگل پر ایسی چیز سرچ کرنا شروع کردی کہ فوری پکڑا گیا

پی آئی اے کی انتظامیہ کا بیان

ترجمان پی آئی اے نے بیان میں کہا کہ یورپی ایئرسیفٹی ایجنسی کی جانب سے پاکستانی ایئرلائنز سے پابندی اٹھانے کا فیصلہ ہوگیا ہے اور یہ پاکستان کی ہوابازی کی صنعت کے لیے اہم ترین خبر ہے۔ انہوں نے کہا کہ ایاسا نے اپنے مکتوب میں وزارت ہوابازی اور پی آئی اے انتظامیہ کو باضابطہ آگاہ کردیا ہے، ان کی جانب سے پی آئی اے کی ٹیم اور انتظامیہ کو ان کے سخت ترین اسٹینڈرڈز پر پورے اترنے پر مبارک باد دی گئی ہے۔

یہ بھی پڑھیں: ایران میں کتنے مقامات کو نشانہ بنایا گیا؟ اسرائیل نے حملے کے بعد باضابطہ بیان جاری کر دیا

پابندی کا پس منظر

سی ای او پی آئی اے کی جانب سے اس تاریخی موقع پر وزارت ہوابازی، سول ایوی ایشن اتھارٹی، پی آئی اے ٹیم اور پوری ہوابازی کی صنعت کو ان کے بھرپور تعاون پر مبارک باد پیش کی گئی۔ وزیردفاع خواجہ آصف نے بیان میں کہا کہ پی آئی اے کی یورپ کے لیے پروازوں پر عائد پابندی ختم کردی گئی ہے اور یہ ایک یادگار موقع ہے۔

یہ بھی پڑھیں: جب پی ٹی آئی کے مظاہرین اسلام آباد میں داخل ہوئے اور پولیس سے مقابلہ ہوا

تاریخی دن کا اعلان

انہوں نے کہا کہ یہ ایک تاریخی دن ہے، یہ کامیابی وزارت ہوابازی اور سول ایوی ایشن کی جانب سے سیفٹی معیارات یقینی بنانے کی بدولت ملی ہے اور پاکستانی ایئرلائنز پر عائد معطلی اٹھا لی گئی ہے۔ یاد رہے کہ یورپی ایئر سیفٹی ایجنسی نے ساڑھے چار سال قبل پی آئی اے پر پابندی عائد کی تھی۔

یہ بھی پڑھیں: بہاؤ چیخ رہے ہیں تڑپ رہے ہیں بھنور۔۔。

قومی ائیرلائن کی بحالی

ترجمان پی آئی اے نے کہا کہ اس پابندی کے خاتمے کے بعد پوری قوم اب یورپی سیکٹرز پر دوبارہ اپنی قومی ائیرلائن پر براہ راست سفر کر سکتی ہے۔ پابندی کا اٹھ جانا پی آئی اے کے فضائی حفاظتی ضابطوں پر کاربند رہنے کا منہ بولتا ثبوت ہے۔

اسکینڈل کا اثر

یاد رہے کہ جولائی 2020 میں اس وقت کے وفاقی وزیر ہوابازی غلام سرور خان کی جانب سے پارلیمنٹ میں پائلٹس کی جعلی ڈگریوں کے انکشاف اور مشکوک لائسنس کا اسکینڈل سامنے آنے پر یورپ اور برطانیہ میں پی آئی اے سمیت تمام پاکستانی ایئرلائنز پر پابندی عائد کی گئی تھی۔ رواں ماہ کے اوائل میں حکام نے توقع ظاہر کی تھی کہ یورپی ممالک میں پی آئی اے سمیت تمام پاکستانی ایئرلائنز کی بحالی ہوجائے گی۔