خیبرپختونخوا میں گورنر راج لگانے کی افواہوں پر مولانا فضل الرحمان نے واضح اعلان کر دیا

مولانا فضل الرحمان کی خیبر پختونخوا میں گورنر راج کی مخالفت

رحیم یار خان(ڈیلی پاکستان آن لائن) جمعیت علمائے اسلام کے سربراہ مولانا فضل الرحمان نے کہا ہے کہ خیبر پختونخوا میں گورنر راج لگانے کی حمایت نہیں کرتے، یہ جمہوریت کے منافی ہے۔

یہ بھی پڑھیں: رواں ماہ مزید ایک ہزار یوٹیلٹی سٹورز بند کرنے کا فیصلہ

ملک میں افرا تفری کی صورتحال

رحیم یار خان میں میڈیا سے گفتگو کرتے ہوئے مولانا فضل الرحمان نے کہا کہ بلوچستان اور خیبرپختونخوا میں کوئی حکومت نہیں ہے، دونوں صوبوں میں افرا تفری ہے۔ ملک میں انار کی مسئلے کا حل نہیں ہے، دھاندلی سے پاک دوبارہ الیکشن کرائیں۔ انہوں نے کہا کہ خیبر پختونخوا میں گورنر راج لگانے کی حمایت نہیں کرتے، لیکن ناگزیر حالات میں یہ نافذ کیا جا سکتا ہے۔

یہ بھی پڑھیں: مس پاکستان ورلڈ اریج چودھری کے مقابلہ حسن میں انتخاب کے طریقہ کار سے متعلق حیران کن انکشافات

عوامی نیشنل پارٹی کی حمایت

چارسدہ میں گورنر خیبرپختونخوا فیصل کریم کے ہمراہ پریس کانفرنس کرتے ہوئے عوامی نیشنل پارٹی کے صدر ایمل ولی کا کہنا تھا کہ پی ٹی آئی پر پابندی کو سپورٹ کرتے ہیں۔ انہوں نے کہا کہ پی ٹی آئی غیر جمہوری رویہ رکھتی ہے، 9 مئی اور 24 نومبر کے واقعات پابندی کا بہترین جواز ہیں۔ گورنر راج مسئلے کا حل نہیں، بلکہ اس سے صرف انا اور ضد پوری ہو جائے گی۔

وزیراعلیٰ سندھ کا موقف

ادھر وزیراعلیٰ سندھ مراد علی شاہ نے کراچی میں تقریب سے خطاب کرتے ہوئے کہا کہ پیپلز پارٹی کسی پارٹی پر پابندی کی حمایت نہیں کرے گی۔