بشریٰ بی بی کی گاڑی پرفائرنگ کی گئی اور کیمیکل پھینکا گیا : مشعال یوسفزئی

بشریٰ بی بی کی ڈی چوک جانے کی ہدایت

پشاور (ڈیلی پاکستان آن لائن) پاکستان تحریک انصاف کے بانی عمران خان کی اہلیہ بشریٰ بی بی کی ترجمان مشعال یوسفزئی نے کہا ہے کہ بشریٰ بی بی کو بانی پی ٹی آئی عمران خان نے ہی کہا تھا کہ ان کو ڈی چوک جانا ہے۔ جب عمران خان نے یہ کہا تو بشریٰ بی بی کس طرح پیچھے ہٹتیں؟

یہ بھی پڑھیں: وہ ہتھیار جو روایتی ایٹم بم سے بھی زیادہ خطرناک ہے

احتجاج سے واپسی اور ملاقاتیں

نجی ٹی وی جیو نیوز کے پروگرام میں گفتگو کرتے ہوئے مشعال یوسفزئی کا کہنا تھا کہ احتجاج سے واپسی کے بعد بشریٰ بی بی نے کسی سے ملاقات نہیں کی اور نہ ہی کسی میٹنگ میں شرکت کی۔ انہوں نے کہا کہ بانی عمران خان کا حکم تھا کہ ڈی چوک تک پہنچنا ہے۔

یہ بھی پڑھیں: ٹرمپ پیس بورڈ کے نام پر قائم فورم درحقیقت امن نہیں بلکہ انجمن غلامان امریکا بورڈ اور ڈیسٹیبلائزیشن فورس ہے،سراج الحق

دھرنے کے دوران واقعات

مشعال یوسفزئی نے بتایا کہ بشریٰ بی بی دھرنے کے دوران بھگدڑ میں کٹ آف ہوگئی تھیں اور ان کی ملاقات 2 دن بعد ہوئی۔ انہوں نے کہا کہ قافلے میں بشریٰ بی بی کی گاڑی میں سگنل نہیں آتے تھے جبکہ اپنی گاڑی میں جانے پر سگنل دکھائی دیتے تھے۔

یہ بھی پڑھیں: وزیراعلیٰ مریم نواز کا چوہنگ میں فلڈ ریلیف کیمپ کا دورہ، تفصیلی بریفنگ، بچوں کی ہیلتھ سکریننگ کا حکم

فائرنگ اور دھوکہ دہی کے الزامات

مشعال یوسفزئی نے دعویٰ کیا کہ بشریٰ بی بی واپس نہیں جانا چاہتی تھیں۔ ان کی گاڑی پر فائرنگ کی گئی اور کیمیکل پھینکا گیا جس سے شیشہ دھندلا ہوگیا۔ اس وجہ سے انہیں گاڑی تبدیل کرنی پڑی، اور وہ بھی بشریٰ بی بی سے اس دوران الگ ہوگئیں۔

یہ بھی پڑھیں: لاہور ہائیکورٹ: ڈی آر سی کمیٹیوں کے تمام فیصلے کالعدم، درخواستیں ٹریبونل کو منتقل

پی ٹی آئی رہنماؤں پر الزام

ترجمان بشریٰ بی بی نے پی ٹی آئی رہنماؤں پر دھوکہ دینے کا الزام لگاتے ہوئے کہا کہ بشریٰ بی بی سے کہا گیا تھا کہ گاڑی بدل کر انہیں واپس کارکنوں کے پاس ڈی چوک لایا جائے گا، لیکن انہیں ڈی چوک کی بجائے مانسہرہ لے جایا گیا۔

یہ بھی پڑھیں: شازیہ مری نے پیپلز پارٹی اور آصف علی زرداری کے حوالے سے اہم انکشاف کر دیا

سنگجانی میں ہدایت

انہوں نے کہا کہ بشریٰ بی بی کے ساتھ وہ سنگجانی کے مقام پر تھیں اور انہیں پتا چلا کہ بانی پی ٹی آئی نے وہاں رکنے کا کہا ہے۔ بشریٰ بی بی خود دھرنے کی صورتحال جاننا چاہتی تھیں۔

یہ بھی پڑھیں: اس نے خود مصیبت کو دعوت دی

امانتداری کا ذکر

ترجمان نے مزید کہا کہ بشریٰ بی بی کو بانی پی ٹی آئی نے امانت دی تھی، اور خیانت نہیں ہوسکتی تھی۔ بشریٰ بی بی نے ہر جگہ کہا کہ بانی پی ٹی آئی کا حکم ہے کہ ڈی چوک پہنچنا ہے۔

سکیورٹی فورسز کا آپریشن

خیال رہے کہ 26 نومبر کو سکیورٹی فورسز نے اسلام آباد مظاہرین سے خالی کرایا۔ آپریشن شروع ہوتے ہی وزیراعلیٰ کے پی علی امین گنڈا پور اور بشریٰ بی بی موقع سے فرار ہوگئیں، جبکہ پولیس نے سیکڑوں مظاہرین کو گرفتار کیا۔ بعد میں علی امین اور بشریٰ بی بی مانسہرہ چلے گئے تھے۔