بشریٰ بی بی کی گاڑی پرفائرنگ کی گئی اور کیمیکل پھینکا گیا : مشعال یوسفزئی

بشریٰ بی بی کی ڈی چوک جانے کی ہدایت

پشاور (ڈیلی پاکستان آن لائن) پاکستان تحریک انصاف کے بانی عمران خان کی اہلیہ بشریٰ بی بی کی ترجمان مشعال یوسفزئی نے کہا ہے کہ بشریٰ بی بی کو بانی پی ٹی آئی عمران خان نے ہی کہا تھا کہ ان کو ڈی چوک جانا ہے۔ جب عمران خان نے یہ کہا تو بشریٰ بی بی کس طرح پیچھے ہٹتیں؟

یہ بھی پڑھیں: آپ اپنے موجود لمحے کومعمولی شکایتوں کے اظہار کیلئے استعمال کرتے ہیں،کسی قسم کا خطرہ مول لینے سے بہتر ہے مطیع و طاعت گزاری کا طرزعمل اپنا لیں

احتجاج سے واپسی اور ملاقاتیں

نجی ٹی وی جیو نیوز کے پروگرام میں گفتگو کرتے ہوئے مشعال یوسفزئی کا کہنا تھا کہ احتجاج سے واپسی کے بعد بشریٰ بی بی نے کسی سے ملاقات نہیں کی اور نہ ہی کسی میٹنگ میں شرکت کی۔ انہوں نے کہا کہ بانی عمران خان کا حکم تھا کہ ڈی چوک تک پہنچنا ہے۔

یہ بھی پڑھیں: بشریٰ بی بی کی بیٹیوں کا والدہ سے ملاقات کیلئے عدالت سے رجوع

دھرنے کے دوران واقعات

مشعال یوسفزئی نے بتایا کہ بشریٰ بی بی دھرنے کے دوران بھگدڑ میں کٹ آف ہوگئی تھیں اور ان کی ملاقات 2 دن بعد ہوئی۔ انہوں نے کہا کہ قافلے میں بشریٰ بی بی کی گاڑی میں سگنل نہیں آتے تھے جبکہ اپنی گاڑی میں جانے پر سگنل دکھائی دیتے تھے۔

یہ بھی پڑھیں: اسد زمان، ابو بکر، حیدر، اور سلار نے ایچی سن کالج جونیئر ٹینس چیمپئن شپ سیمی فائنل میں جگہ بنا لی

فائرنگ اور دھوکہ دہی کے الزامات

مشعال یوسفزئی نے دعویٰ کیا کہ بشریٰ بی بی واپس نہیں جانا چاہتی تھیں۔ ان کی گاڑی پر فائرنگ کی گئی اور کیمیکل پھینکا گیا جس سے شیشہ دھندلا ہوگیا۔ اس وجہ سے انہیں گاڑی تبدیل کرنی پڑی، اور وہ بھی بشریٰ بی بی سے اس دوران الگ ہوگئیں۔

یہ بھی پڑھیں: موٹروے پولیس نے جلتی ہوئی کار سے مسافروں کو بحفاظت نکال لیا

پی ٹی آئی رہنماؤں پر الزام

ترجمان بشریٰ بی بی نے پی ٹی آئی رہنماؤں پر دھوکہ دینے کا الزام لگاتے ہوئے کہا کہ بشریٰ بی بی سے کہا گیا تھا کہ گاڑی بدل کر انہیں واپس کارکنوں کے پاس ڈی چوک لایا جائے گا، لیکن انہیں ڈی چوک کی بجائے مانسہرہ لے جایا گیا۔

یہ بھی پڑھیں: کراچی سے اندرون و بیرون ملک جانیوالی متعدد پروازیں منسوخ، تاخیر کا شکار

سنگجانی میں ہدایت

انہوں نے کہا کہ بشریٰ بی بی کے ساتھ وہ سنگجانی کے مقام پر تھیں اور انہیں پتا چلا کہ بانی پی ٹی آئی نے وہاں رکنے کا کہا ہے۔ بشریٰ بی بی خود دھرنے کی صورتحال جاننا چاہتی تھیں۔

یہ بھی پڑھیں: اداکارہ علیزے شاہ کی سوشل میڈیا پر بولڈ ویڈیو وائرل

امانتداری کا ذکر

ترجمان نے مزید کہا کہ بشریٰ بی بی کو بانی پی ٹی آئی نے امانت دی تھی، اور خیانت نہیں ہوسکتی تھی۔ بشریٰ بی بی نے ہر جگہ کہا کہ بانی پی ٹی آئی کا حکم ہے کہ ڈی چوک پہنچنا ہے۔

سکیورٹی فورسز کا آپریشن

خیال رہے کہ 26 نومبر کو سکیورٹی فورسز نے اسلام آباد مظاہرین سے خالی کرایا۔ آپریشن شروع ہوتے ہی وزیراعلیٰ کے پی علی امین گنڈا پور اور بشریٰ بی بی موقع سے فرار ہوگئیں، جبکہ پولیس نے سیکڑوں مظاہرین کو گرفتار کیا۔ بعد میں علی امین اور بشریٰ بی بی مانسہرہ چلے گئے تھے۔