پنجاب پبلک سروس کمیشن نے پی ایم ایس کے تحریری امتحانات کے حوالے سے اہم فیصلہ کر لیا

پنجاب پبلک سروس کمیشن کا فیصلہ

لاہور (ڈیلی پاکستان آن لائن) پنجاب پبلک سروس کمیشن نے پی۔ ایم۔ ایس کے تحریری امتحانات کو 2 مرحلوں میں لینے کا فیصلہ کیا ہے، جس کی باقاعدہ منظوری چیئرمین پنجاب پبلک سروس کمیشن نے فل کمیشن کے اجلاس میں دے دی۔

یہ بھی پڑھیں: وہ ’قاتل گانا‘ جسے سن کر 100 افراد کی جانیں چلی گئیں

اجلاس کی تفصیلات

تفصیلات کے مطابق پنجاب پبلک سروس کمیشن کا فل کمیشن کا اجلاس چیئرمین پنجاب پبلک سروس کمیشن کی زیر صدارت ہوا، جس میں سیکرٹری پنجاب پبلک سروس کمیشن اور دیگر ممبران نے شرکت کی۔ اجلاس میں یہ فیصلہ کیا گیا کہ پنجاب پبلک سروس کمیشن (PMS) پی۔ ایم۔ ایس 1200 امیدواروں کا تحریری امتحان دو مرحلوں میں لے گی۔

امتحانی مراحل کی وضاحت

پہلے مرحلے میں جنرل نالج پر مبنی 100 نمبر کا ابجیکٹیو ٹائپ (Objective type) کا پرچہ 15 دسمبر 2024 کو ہوگا۔ جنرل نالج کے امتحان میں کامیاب ہونے والے صرف وہ امیدواران 1100 نمبر کے باقی مضامین کے امتحانات دینے کے اہل ہوں گے.