اداکارہ نگار چودھری کے شوہر کو 15 سال قید کی سزا سنا دی گئی

سیشن کورٹ لاہور کی فیصلہ

لاہور (ڈیلی پاکستان آن لائن) سیشن کورٹ لاہور نے پاکستانی سٹیج اداکارہ نگار چودھری کے خاوند عماد بٹ کو منشیات برآمدگی کیس میں سزا سنا دی ہے۔

یہ بھی پڑھیں: سہیل آفریدی پاکستان کے ایک صوبے کے وزیراعلیٰ ہیں، ان کو مکمل حق حاصل ہے کہ وہ پاکستان کے کسی بھی علاقے میں جائیں، سلمان اکرم راجا

عماد بٹ کی سزا اور جرمانہ

رپورٹ کے مطابق عدالت نے ملزم عماد بٹ پر 10 لاکھ روپے جرمانہ عائد کرتے ہوئے 15 سال کی سزا سنائی۔ چند ہفتے قبل نارکوٹکس انویسٹی گیشن یونٹ (این آئی یو) نارتھ نے ملزم کو گرفتار کیا تھا، این آئی یو نارتھ کی بہترین حکمت عملی اور ٹھوس شواہد کی روشنی میں ملزم عماد بٹ پر جرم ثابت ہونے پر اسے سزا سنائی گئی۔

یہ بھی پڑھیں: آن لائن گیم کھیلتے ہوئے ماں، 2 بہنوں اور بھائی کو قتل کرنے والے مجرم کو سزا کا تفصیلی فیصلہ جاری

جرمانے کی عدم ادائیگی کی صورت میں اضافی سزا

عدالتی حکم کے مطابق جرمانے کی عدم ادائیگی کی صورت میں ملزم کو مزید ایک سال سزا بھگتنا ہوگی۔ یاد رہے کہ سٹیج اداکارہ نگار چودھری کے شوہر ملزم عماد بٹ سے بھاری مقدار میں مختلف قسم کی منشیات برآمد کی گئی تھیں۔

منشیات کی اسمگلنگ کا معاملہ

ملزم اٹلی، سپین، ہالینڈ اور بیلجیم سے مختلف اقسام کی منشیات سمگل کرتا تھا، ملزم سے کروڑوں روپے مالیت کی منشیات برآمد ہوئی تھیں۔