وزیرتوانائی نے بجلی مزید 5 روپے تک سستی ہونے کی نوید سنا دی
بجلی کی قیمتوں میں کمی کا امکان
اسلام آباد( ڈیلی پاکستان آن لائن ) وزیر توانائی اویس لغاری نے امید ظاہر کی ہے کہ آئی پی پیز سے نظرثانی معاہدوں کے بعد 5 روپے تک بجلی مزید سستی ہو گی۔
یہ بھی پڑھیں: بھارت میں ایک جنگل کے غار سے روسی خاتون اور اس کی 2 بیٹیاں دریافت
معاہدوں کی تبدیلی کا عمل
وزیر توانائی اویس لغاری نے ایف پی سی سی آئی کو بجلی سہولت پیکیج پر بریفنگ دیتے ہوئے بتایا کہ ہم معاہدوں پر قائم ہیں لیکن آئی پی پیز کی مشاورت سے معاہدے تبدیل کریں گے۔
یہ بھی پڑھیں: پہلگام حملے کے بعد انڈیا اور طالبان کے درمیان پسِ پردہ رابطے سامنے آ گئے
معاہدوں کی حیثیت
اویس لغاری نے کہا کہ 5 آئی پی پیز سے معاہدے ختم ہو چکے ہیں اور 11 سے بات جاری ہے، بیگاس کے پاور پلانٹس کے ساتھ بھی معاہدہ ہوچکا ہے۔
یہ بھی پڑھیں: لندن میں بھارتی ہائی کمیشن کے باہر پاکستانیوں کا احتجاج، کسی بھی جارحیت کا منہ توڑ جواب دینے کا عزم
بجلی پیداوار کی قیمتیں اور زراعت پر ٹیکس
ان کا کہنا تھا کہ آئی پی پیز کو بتایا کہ اتنی مہنگی بجلی پیدا کریں گے تو لے گا کون؟ زراعت پر بھی اب 45 فیصد ٹیکس لگ گیا ہے، اب ہم بھی ٹیکس میں حصہ ڈالیں گے۔
وزیر اعظم کی اقتصادی پالیسیاں
وزیر توانائی نے کہا کہ وزیراعظم نے اقتدار سنبھالتے ہی کہا کہ معیشت کا دارومدار پاور سیکٹر پر ہے، مہنگا سستا مال منگوا کر انڈسٹری نہیں چل سکتی۔
