سینئر صحافی مطیع اللّٰہ جان کو اڈیالہ جیل راولپنڈی سے رہا کردیا گیا

سینئر صحافی مطیع اللّٰہ جان کی رہائی

اسلام آباد (ڈیلی پاکستان آن لائن) سینئر صحافی مطیع اللّٰہ جان کو اڈیالہ جیل راولپنڈی سے رہا کردیا گیا۔ انسداد دہشت گردی عدالت کے جج نے آج مطیع اللّٰہ جان کی ضمانت کی درخواست منظور کی تھی۔

یہ بھی پڑھیں: ٹرمپ کی صدارتی انتخابات میں کامیابی؛ وزیراعظم شہباز شریف سمیت دیگر کی مبارکباد

جیل میں رہائی کے مسائل

سینئر صحافی کی رہائی کی روبکار پر اڈیالہ جیل کے سپرنٹنڈنٹ نے عمل درآمد سے انکار کیا تھا اور کہا تھا کہ ہمارے پاس جگہ کم ہے، مطیع اللّٰہ کو جہلم یا اٹک لے جا کر روبکار پر عمل کروائیں۔

عدالتی کارروائی اور ضمانت

مطیع اللّٰہ جان کا گزشتہ روز اسلام آباد ہائیکورٹ نے جسمانی ریمانڈ ختم کردیا تھا، اسلام آباد پولیس نے جوڈیشل پر مطیع اللّٰہ جان کو جیل منتقل نہیں کیا تھا۔ آج مطیع اللّٰہ جان کی ضمانت ہونے پر روبکار جاری ہوئی۔ سینئر مطیع اللّٰہ جان کو اسلام آباد کی انسداد دہشت گردی عدالت کے جج طاہر عباس سپرا کی عدالت میں پیش کیا گیا تھا، ان کی 10 ہزار روپے مچلکوں کے عوض ضمانت منظور کرلی گئی۔