حکومت اپنے ہی ملک کے بچے مار کر ہم سے لاشوں کا سوال کر رہی ہے، یاسمین راشد

یاسمین راشد کی سخت تنقید

لاہور (ڈیلی پاکستان آن لائن) تحریک انصاف کی سینیئر رہنما یاسمین راشد نے کہا ہے کہ حکومت نے پاکستان کے بچے ہی مار ڈالے، افسوس کی بات ہے کہ اب لاشوں کا یہ ہم سے پوچھ رہے ہیں۔

یہ بھی پڑھیں: پاکستان آرمی اور چین کی پیپلز لبریشن آرمی کی مشترکہ فوجی مشق واریئر IX کا آغاز ہو گیا

حکومت کی مذمت

انسداد دہشت گردی کی عدالت میں ڈاکٹر یاسمین راشد نے غیر رسمی گفتگو کرتے ہوئے کہا کہ میرے پاس مذمت کے لیے الفاظ ہی نہیں ہیں۔ حکومت خود لاشیں اٹھا کر لے گئی اور مریم نواز کو شرم آنی چاہیے جو کہہ رہی ہے کہ شاباش پنجاب آپ نکلے نہیں۔

یہ بھی پڑھیں: پاکستان کی کامیابی اور بقا کے لیے 27ویں ترمیم کی ضرورت پڑ گئی ہے، 28ویں ترمیم کی بھی ضرورت پڑی تو وہ بھی آجائے گی، فیصل واوڈا

پاکستان کی تاریخ میں ظلم

انہوں نے کہا کہ پاکستان کی تاریخ میں آج تک ایسا ظلم نہیں دیکھا گیا۔ انسانیت پر ظلم کرتے ہوئے شرم آنی چاہیے ان جانوں کا حساب ہوگا۔

یہ بھی پڑھیں: وزیراعلیٰ مریم نواز سے ماحولیاتی تبدیلی گروپ کی گلوبل ڈائریکٹر ویلیری ہیکی کی اہم ملاقات

احتجاج کا حق

انہوں نے کہا کہ ہماری حکومت میں مولانا، بلاول، مریم نواز نے لانگ مارچ کیے لیکن ہم نے نہیں روکا۔ میں نے بطور وزیر کہا تھا کہ احتجاج آئینی حق ہے، ہم نے انہیں نہیں روکنا کیوں کہ جمہوریت پر تحریک انصاف یقین رکھتی ہے۔

جوڈیشل کمیشن کا مطالبہ

ڈاکٹر یاسمین راشد نے کہا کہ تحریک انصاف اپنے ایک ایک کارکن پر ظلم کا حساب لے گی۔ میں چیف جسٹس کو خط لکھوں گی کہ اس پر جوڈیشل کمیشن بنایا جائے۔