حکومت اپنے ہی ملک کے بچے مار کر ہم سے لاشوں کا سوال کر رہی ہے، یاسمین راشد

یاسمین راشد کی سخت تنقید

لاہور (ڈیلی پاکستان آن لائن) تحریک انصاف کی سینیئر رہنما یاسمین راشد نے کہا ہے کہ حکومت نے پاکستان کے بچے ہی مار ڈالے، افسوس کی بات ہے کہ اب لاشوں کا یہ ہم سے پوچھ رہے ہیں۔

یہ بھی پڑھیں: مباحثوں میں اپنی کمزور کارکردگی کا جائزہ لیتا ہوں تو یہ بات عیاں ہوتی ہے کہ بڑوں سے اس میں رہنمائی اور پریکٹس کروانا، بار بار سننا بہت ضروری ہے۔

حکومت کی مذمت

انسداد دہشت گردی کی عدالت میں ڈاکٹر یاسمین راشد نے غیر رسمی گفتگو کرتے ہوئے کہا کہ میرے پاس مذمت کے لیے الفاظ ہی نہیں ہیں۔ حکومت خود لاشیں اٹھا کر لے گئی اور مریم نواز کو شرم آنی چاہیے جو کہہ رہی ہے کہ شاباش پنجاب آپ نکلے نہیں۔

یہ بھی پڑھیں: امارات کے 18 ارب پتی افراد کے پاس کتنی دولت ہے؟ جواب آپ کے اندازوں سے کہیں زیادہ.

پاکستان کی تاریخ میں ظلم

انہوں نے کہا کہ پاکستان کی تاریخ میں آج تک ایسا ظلم نہیں دیکھا گیا۔ انسانیت پر ظلم کرتے ہوئے شرم آنی چاہیے ان جانوں کا حساب ہوگا۔

یہ بھی پڑھیں: قلات میں دہشتگردوں کا سیکیورٹی فورسز کے کیمپ پر حملہ، 7 اہلکار شہید

احتجاج کا حق

انہوں نے کہا کہ ہماری حکومت میں مولانا، بلاول، مریم نواز نے لانگ مارچ کیے لیکن ہم نے نہیں روکا۔ میں نے بطور وزیر کہا تھا کہ احتجاج آئینی حق ہے، ہم نے انہیں نہیں روکنا کیوں کہ جمہوریت پر تحریک انصاف یقین رکھتی ہے۔

جوڈیشل کمیشن کا مطالبہ

ڈاکٹر یاسمین راشد نے کہا کہ تحریک انصاف اپنے ایک ایک کارکن پر ظلم کا حساب لے گی۔ میں چیف جسٹس کو خط لکھوں گی کہ اس پر جوڈیشل کمیشن بنایا جائے۔