پی آئی اے پر پابندی ختم لیکن پیرس کے لیے فضائی آپریشن کب شروع ہوگا؟ پتہ چل گیا

پی آئی اے کی یورپی پروازوں کی بحالی

کراچی (ویب ڈیسک) پاکستان انٹرنیشنل ایئر لائنز (پی آئی اے) کی یورپی ممالک میں عائد پابندی کے خاتمے کے بعد پاکستان سے پیرس کے لیے پروازیں نئے سال کے آغاز پر جنوری سے اڑان بھریں گی۔ البتہ برطانیہ اور امریکا کی پروازیں ائرفرانس کے ساتھ کوڈ شئیر معاہدے کے تحت چلائی جائیں گی۔

یہ بھی پڑھیں: جھگڑے بڑھتے جارہے ہیں،شیر افضل مروت نے سلمان اکرم راجہ کے حوالے سے بڑا مطالبہ کر دیا

یورپی یونین کی پابندی کا خاتمہ

ایکسپریس نیوز کے ذرائع نے بتایا کہ یورپین یونین ایوی ایشن سیفٹی ایجنسی (ایاسا) کی جانب سے پی آئی اے سمیت پاکستانی ائیرلائنوں پر عائد پابندی ختم ہونے کے بعد قومی ائیرلائن کی انتظامیہ نے ابتدائی طور پر پاکستان سے پیرس کے لیے براہ راست پروازیں نئے سال کے پہلے مہینے جنوری سے شروع کرنے کا فیصلہ کیا ہے۔

یہ بھی پڑھیں: گلبرگ میں قائم قبحہ خانے پر پولیس کا چھاپہ ، 10خواتین سمیت18مرد گرفتار

پروازوں کی تشہیر اور بکنگ

پی آئی اے کی یورپ کے لیے پروازوں کا 4 سالہ بندش کے بعد ازسرنو آغاز ہونے جا رہا ہے۔ پیرس پروازوں کے لیے تشہیری مہم اور بکنگ کا آغاز رواں ماہ دسمبر کے اوائل سے وسط تک کیا جائے گا۔ ایاسا کی کلیئرنس کے بعد اب اگلے مرحلے میں برطانیہ کے مختلف شہروں، لندن اور برمنگھم کی پروازوں کو ائرفرانس کے ساتھ کوڈ شئیر معاہدے کے تحت آپریٹ کیا جائے گا۔

یہ بھی پڑھیں: وزیر اعلیٰ مریم نواز نے حافظ آباد میں ٹیوشن سینٹر کی چھت گرنے کے واقعے کی رپورٹ طلب کر لی

برطانیہ میں پابندی کے خاتمے کے اقدام

ذرائع نے بتایا کہ برطانیہ کی جانب سے پی آئی اے کی پروازوں پر عائد پابندی ختم کرنے کے لیے ایاسا طرز پر کوششیں کی جائیں گی۔ برطانوی ہوابازی کے ادارے کی پاکستان آمد بھی متوقع ہے، اور برطانیہ میں پی آئی اے کی بحالی میں مزید دو ماہ کا عرصہ لگ سکتا ہے۔