کراچی: پاکستان ریفائنری کی لائن پھٹ گئی، سی ویو کے سامنے سروس روڈ پر فرنس آئل پھیل گیا

کراچی میں پائپ لائن حادثہ

کراچی (ڈیلی پاکستان آن لائن) کراچی میں سی ویو کے سامنے سروس روڈ پر پاکستان ریفائنری کی پائپ لائن پھٹ گئی۔

ذرائع کے مطابق فرنس آئل سروس روڈ اور رہائشی عمارت تک پھیل گیا جس کے باعث متاثرہ سروس روڈ کو سیل کر دیا گیا۔

متاثرہ لائن سے فرنس تیل بہنے کی اطلاع پر آئل کی پمپنگ روک دی گئی۔

حکام پاک ریفائنری کا کہنا ہے کہ سی ویو سروس روڈ پر ریفائنری لیکیج کی مرمت کیلئے ٹیم روانہ کر دی گئی ہے، معاملے کی تحقیقات کا بھی آغاز کر دیا گیا ہے۔