سعودی عرب میں ڈھیروں سرکاری ملازمین کو گرفتار کر لیا گیا

حراست میں لئے گئے سرکاری ملازمین

ریاض (ویب ڈیسک) سعودی عرب میں رشوت اور منصب کے ناجائز استعمال کے الزام میں 164 سرکاری ملازمین کو حراست میں لے لیا گیا۔

محکمہ انسداد کرپشن کی رپورٹ

محکمہ انسداد کرپشن کے مطابق زیر حراست افراد کا تعلق وزارت داخلہ، وزارت تعلیم، وزارت صحت اور وزارت بلدیات سے ہے۔ روزنامہ جنگ کے مطابق کرپشن کے الزام میں نومبر میں 370 افراد سے تفتیش کی گئی تھی جس کے بعد بعض کو ضمانت پر رہا کردیا گیا تھا۔

سابقہ کارروائیاں

واضح رہے کہ رواں سال ستمبر میں بھی سعودی عرب میں انسدادِ بد عنوانی اتھارٹی نے کارروائی کرتے ہوئے کنگ عبداللّٰہ پورٹ پر زکوٰۃ، ٹیکس، کسٹم اتھارٹی کے 3 ملازمین کو رشوت لینے کے الزام میں گرفتار کیا تھا۔ وزارتِ داخلہ کے تعاون سے کی گئی کارروائی میں 3 ملازمین کو 6 مقیم غیر ملکیوں سے رشوت لینے کے الزام میں گرفتار کیا گیا تھا۔

رشوت کی رقم

سعودی انسدادِ بدعنوانی اتھارٹی کا کہنا تھا کہ رشوت میں وصول کی گئی رقم 2.234 ملین ریال تھی۔