لاہور: جمعہ و اتوار ہیوی ٹریفک کے داخلے پر پابندی عائد

لاہور میں ٹرکوں اور بھاری گاڑیوں کے داخلے پر پابندی

لاہور (ڈیلی پاکستان آن لائن) پنجاب کی سینئر وزیر مریم اورنگزیب نے اعلان کیا ہے کہ جمعہ اور اتوار کو ٹرکوں، بسوں اور بھاری گاڑیوں کے لاہور میں داخلے پر پابندی عائد کر دی گئی ہے۔

یہ بھی پڑھیں: ججوں کے تقرر میں پارلیمان کا کردار عدلیہ پر حملہ کیسے ہوگیا؟ سینیٹ میں شیری رحمان کا استفسار

خراب انجن اور دھواں چھوڑنے والی گاڑیاں

مریم اورنگزیب نے بیان دیتے ہوئے کہا کہ خراب انجن اور زیادہ دھواں چھوڑتی گاڑیوں کے روٹ پرمٹ منسوخ کرنے کا فیصلہ کیا گیا ہے۔ انہوں نے مزید کہا کہ اینٹی سموگ مہم کے تحت لودھراں، اوکاڑہ، وہاڑی اور سرگودھا میں 6 بھٹے گرا دیے گئے ہیں۔

یہ بھی پڑھیں: توشہ خانہ 2کیس :بانی پی ٹی آئی اور بشریٰ بی بی کی بریت کی درخواستوں پر فیصلہ محفوظ، کب سنایا جائیگا؟جج نے بتا دیا

صنعتی یونٹس کی بندش

مریم اورنگزیب کا کہنا تھا کہ 3 صنعتی یونٹس، 1 سٹیل رولنگ مل، 1 ٹیکسٹائل یونٹ اور 1 رائس مل کو سیل کر دیا گیا ہے۔

یہ بھی پڑھیں: بھارت کا پاکستان سے پھر سفارتی رابطہ، ستلج میں اونچے درجے کے سیلاب کا انتباہ

گاڑیوں کی جانچ پڑتال

انہوں نے وضاحت کی کہ خراب انجن اور زیادہ دھواں دینے والی 1 ہزار سے زائد گاڑیوں کی جانچ پڑتال کی گئی اور 144 گاڑیاں بند کر دی گئیں۔

یہ بھی پڑھیں: شفقت امانت علی اور ریشم کے نئے گانے میں بولڈ رومانوی مناظر پر صارفین آگ بگولہ

ریت کی ٹرالیاں اور سڑکوں کی صفائی

مریم اورنگزیب نے مزید بتایا کہ بغیر ترپال اور سموگ رولز پر عمل نہ کرنے والی ریت کی 64 ٹرالیاں بند کر دیں، جبکہ سڑکوں پر پانی کا چھڑکاﺅ اور صفائی بھی جاری ہے۔

یہ بھی پڑھیں: ایران مذاکرات کرنا چاہتا ہے لیکن اب کافی دیر ہو چکی، وہ وائٹ ہاؤس آنے کیلیے بھی تیار ہیں، امریکی صدر

کمرشل جنریٹرز اور بار بی کیو پوائنٹس کا معائنہ

انہوں نے کہا کہ کمرشل جنریٹرز اور بار بی کیو پوائنٹس کا معائنہ کیا گیا اور قوانین کی خلاف ورزیوں پر نوٹس جاری کیے گئے۔

سموگ کے خاتمے کے اقدامات

مریم اورنگزیب نے یہ بھی بتایا کہ آج کے اقدامات 8 سے 10 سال میں سموگ کے خاتمے کی بنیاد بنیں گے۔ فضائی آلودگی کے خلاف جنگ شہریوں کی زندگی کے تحفظ کی جنگ ہے۔