متوقع برفباری، پی ڈی ایم اے پنجاب کی تیاریاں مکمل، مری میں سیاحوں کیلئے 13 فسیلیٹیشن سنٹرز قائم

برفباری کے پیش نظر پی ڈی ایم اے پنجاب کی تیاریاں

لاہور (ڈیلی پاکستان آن لائن) متوقع برفباری کے پیش نظر پی ڈی ایم اے پنجاب نے تیاریاں مکمل کر لی ہیں اور مری میں سیاحوں کے لئے 13 فسیلیٹیشن سنٹرز قائم کر دیئے گئے ہیں۔

یہ بھی پڑھیں: بانی نے دو مطالبات رکھے ہیں، سپریم کورٹ کے ججز کے نیچے جے آئی ٹی بنائی جائے،علیمہ خان

ریسکیو اور ریلیف اقدامات

تفصیلات کے مطابق پی ڈی ایم اے پنجاب کی جانب سے مری انتظامیہ کو ریسکیو اور ریلیف سرگرمیوں کے لیے سامان کے 2 ٹرک روانہ کیے جا رہے ہیں۔ ڈی جی پی ڈی ایم اے نے بتایا ہے کہ ریسکیو اور ریلیف سامان میں سرچ اینڈ ریسکیو جیکٹس، ٹائر سنو چین، مشینی آری اور موسم سرما کے خیمے، رین کوٹ، فولڈنگ شاول، لحاف کمبل، گرم دستانے، چھتریاں اور ٹوپیاں بھی شامل ہیں۔

یہ بھی پڑھیں: رہنما جماعت اسلامی میاں اسلم ڈی چوک پہنچ گئے، ایچ ایس او پولیس اہلکاروں پر برہم

پانی کی فراہمی اور مالی معاونت

صوبائی وزیر خواجہ سلمان رفیق کا کہنا ہے کہ تھل اور چولستان کے علاقوں میں میٹھے پانی کی مسلسل فراہمی کے لیے واٹر باؤزر فراہم کیے گئے ہیں۔ آسمانی بجلی اور مون سون بارشوں میں ہونے والے جانی و مالی نقصانات کے باعث متاثرین کو مالی معاونت فراہم کی گئی۔ مون سون بارشوں کے باعث متاثرہ فصلوں کے لیے بھی مالی معاونت فراہم کی گئی۔ خیبرپختونخوا میں بارشوں کے باعث 2500 متاثرہ خاندانوں کو راشن فراہم کیا گیا۔

یہ بھی پڑھیں: پنجاب پبلک سروس کمیشن نے گزشتہ سال مختلف کوٹہ پر بھرتیوں کی تفصیل جاری کر دی

آگاہی مہم اور سموگ سے نمٹنے کی حکمت عملی

مون سون بارشوں اور آسمانی بجلی سے بچاؤ کے لیے پی ڈی ایم اے پنجاب کی جانب سے صوبہ بھر میں آگاہی مہم چلائی گئی۔ سموگ سے نمٹنے اور بہتر حکمت عملی بنانے کے لیے تھنک ٹینک کی بنیاد رکھی گئی ہے جس میں تمام اعلی اداروں کے پروفیسرز کو شامل کیا گیا ہے۔

یہ بھی پڑھیں: چین کے صدر شی جن پھنگ کا ملائیشیا کا دورہ ، ملائیشیا کے بادشاہ سلطان ابراہیم سلطان سکندر سے ملاقات

سیلاب کی صورتحال اور حکومتی اقدامات

خواجہ سلمان رفیق کا مزید کہنا تھا کہ کابینہ کمیٹی برائے ڈیزاسٹر مینجمنٹ کے اجلاسوں میں مون سون کانٹیجنسی پلان اور سیلاب کے پیش نظر اقدامات کی حکمت عملی تیار کی گئی ہے۔ سیلاب کے دوران اقدامات کا جائزہ لینے کے لیے ڈیرہ غازی خان اور راجن پور کے دورے کیے گئے ہیں۔ حالیہ سیلاب میں پی ڈی ایم اے کے بروقت اور پیشگی اقدامات کی وجہ سے کوئی جانی نقصان نہیں ہوا۔

یہ بھی پڑھیں: کیا یہی بہار ہے !

مری میں سیاحوں کی سہولیات

وزیر اعلی پنجاب کی ہدایات پر بند اور پشتوں کی مضبوطی کے لیے 17 ملین روپے کی گرانٹ منظور کی گئی۔ سانحہ بلوچستان میں شہید ہونے والے افراد کے لواحقین کو 2 کروڑ 70 لاکھ روپے کی مالی مدد فراہم کی گئی۔ وزیر اعلیٰ پنجاب کے احکامات کے مطابق مری انتظامیہ کو تمام تر معاونت فراہم کی جا رہی ہے۔ مری میں سیاحوں کی سہولیات کے لئے 13 فسیلیٹیشن سنٹرز قائم کیے گئے ہیں۔

یہ بھی پڑھیں: دیونیکا تریپاٹھی اور وویک دہیا کی طلاق کی افواہیں، اداکار نے صورتحال واضح کردی

احتیاطی تدابیر اور سروسز کی دستیابی

سیاحوں سے گزارش ہے کہ سفر سے پہلے موسم کی صورتحال کا جائزہ لیں۔ کسی بھی ناگہانی آفت سے بچنے کے لئے پی ڈی ایم اے پنجاب 24 گھنٹے الرٹ ہے۔ پی ڈی ایم اے اور ضلعی انتظامیہ سیاحوں کی رہنمائی اور تحفظ کے لیے موجود رہے گی۔ موسم کے حوالے سے احساس ذمہ داری قیمتی جانوں کے تحفظ کے لیے ضروری ہے۔

ماضی کے سانحات سے سیکھنا

ڈی جی عرفان علی کاٹھیا کے مطابق برفانی طوفان 2022 کے سانحہ کے پیش نظر جانی و مالی نقصان سے بچاؤ کے لئے پی ڈی ایم اے پیشگی حفاظتی اقدامات یقینی بنا رہا ہے۔ بروقت اور پیشگی تیاری سے سانحات سے بچا جا سکتا ہے۔ پی ڈی ایم اے پنجاب کی جانب سے پاک آرمی و ریسکیو 1122 کو فلڈ ریلیف ایکوئپمنٹ فراہم کیا گیا۔