توشہ خانہ ٹو کیس: عمران خان اور بشریٰ بی بی پر آج بھی فرد جرم عائد نہ ہو سکی

راولپنڈی کی تازہ ترین خبریں

راولپنڈی (ڈیلی پاکستان آن لائن) توشہ خانہ ٹو کیس میں بانی پی ٹی آئی عمران خان اور ان کی اہلیہ بشریٰ بی بی پر آج بھی فرد جرم عائد نہ ہو سکی۔

یہ بھی پڑھیں: شاہد آفریدی کی لائن آف کنٹرول پر کھڑے ہو کر پراٹھے کھانے کی ویڈیو وائرل

عدالتی سماعت اور وکالت

اڈیالہ جیل راولپنڈی میں سپیشل جج سینٹرل شاہ رخ ارجمند نے عمران خان اور بشریٰ بی بی کے خلاف توشہ خانہ ٹو کیس کی سماعت کی۔ پی ٹی آئی کے وکیل سلمان صفدر جبکہ سپیشل پبلک پراسیکیوٹر ذوالفقار عباس نقوی عدالت میں پیش ہوئے، جبکہ بشریٰ بی بی عدالت میں حاضر نہ ہو سکیں۔

یہ بھی پڑھیں: نوازشریف صاحب آپ سب جانتے ہوئے بھی غلط کر رہے ہیں، محمود اچکزئی

وکیل صفائی کا مؤقف

وکیل صفائی سلمان صفدر نے عدالت کو یقین دلایا کہ نئے درج ہونے والے مقدمات کی ضمانت کے لیے پشاور ہائی کورٹ جایا گیا ہے۔ انہوں نے کہا کہ ملزمہ نے پشاور ہائیکورٹ کے سامنے سرنڈر کر دیا ہے اور عدالت سے درخواست کی کہ سماعت پیر تک ملتوی کی جائے، تاکہ ملزمہ عدالت پیش ہو سکیں۔

یہ بھی پڑھیں: استور سے راولپنڈی جانے والی باراتیوں کی کوسٹر دریا میں گر گئی ،ایک میت نکال لی گئی، 22کی تلاش جاری

پبلک پراسیکیوٹر کا ردعمل

سپیشل پبلک پراسیکیوٹر ذوالفقار عباس نقوی نے وکیل صفائی کی مخالفت کرتے ہوئے کہا کہ ملزمہ جان بوجھ کر عدالت پیش نہیں ہو رہی اور ان کے بلا ضمانت وارنٹ گرفتاری جاری کرنے کی درخواست کی۔

مقدمے کی اگلی سماعت

آخر میں، عدالت نے بانی پی ٹی آئی عمران خان اور ان کی اہلیہ بشریٰ بی بی کے خلاف توشہ خانہ ٹو کیس کی سماعت 5 دسمبر جمعرات تک ملتوی کر دی۔