توشہ خانہ ٹو کیس: عمران خان اور بشریٰ بی بی پر آج بھی فرد جرم عائد نہ ہو سکی

راولپنڈی کی تازہ ترین خبریں

راولپنڈی (ڈیلی پاکستان آن لائن) توشہ خانہ ٹو کیس میں بانی پی ٹی آئی عمران خان اور ان کی اہلیہ بشریٰ بی بی پر آج بھی فرد جرم عائد نہ ہو سکی۔

یہ بھی پڑھیں: 26 ویں ترمیم میں حکومت جن 35 شقوں سے دستبردار ہوئی، اگر انہی میں سے کوئی چیز 27 ویں ترمیم میں پاس کی جاتی ہے تو ہم اسے پارلیمنٹ کی توہین سمجھتے ہیں، مولانا فضل الرحمان

عدالتی سماعت اور وکالت

اڈیالہ جیل راولپنڈی میں سپیشل جج سینٹرل شاہ رخ ارجمند نے عمران خان اور بشریٰ بی بی کے خلاف توشہ خانہ ٹو کیس کی سماعت کی۔ پی ٹی آئی کے وکیل سلمان صفدر جبکہ سپیشل پبلک پراسیکیوٹر ذوالفقار عباس نقوی عدالت میں پیش ہوئے، جبکہ بشریٰ بی بی عدالت میں حاضر نہ ہو سکیں۔

یہ بھی پڑھیں: کیا دفاعی بجٹ میں اضافے سے دیگر منصوبے متاثر ہوں گے؟

وکیل صفائی کا مؤقف

وکیل صفائی سلمان صفدر نے عدالت کو یقین دلایا کہ نئے درج ہونے والے مقدمات کی ضمانت کے لیے پشاور ہائی کورٹ جایا گیا ہے۔ انہوں نے کہا کہ ملزمہ نے پشاور ہائیکورٹ کے سامنے سرنڈر کر دیا ہے اور عدالت سے درخواست کی کہ سماعت پیر تک ملتوی کی جائے، تاکہ ملزمہ عدالت پیش ہو سکیں۔

یہ بھی پڑھیں: امریکا اپنے سیاسی عزائم مشرق وسطیٰ کے اتحادیوں کو نہیں بتاتا، ٹرمپ

پبلک پراسیکیوٹر کا ردعمل

سپیشل پبلک پراسیکیوٹر ذوالفقار عباس نقوی نے وکیل صفائی کی مخالفت کرتے ہوئے کہا کہ ملزمہ جان بوجھ کر عدالت پیش نہیں ہو رہی اور ان کے بلا ضمانت وارنٹ گرفتاری جاری کرنے کی درخواست کی۔