ڈسکوز کی نجکاری کے لئے بڑا فیصلہ کر لیا گیا

ڈسکوز کی نجکاری کا فیصلہ

اسلام آباد( این این آئی) ڈسکوز کی نجکاری کیلئے بڑا فیصلہ کر لیا گیا۔

حکومتی اقدامات

تفصیلات کے مطابق حکومت کی جانب سے 3 بہترین کارکردگی دکھانے والی پاور ڈسٹری بیوشن کمپنیوں کی نجکاری کے لیے اہم پیشرفت سامنے آئی ہے۔ ڈسکوز کی نجکاری کے عمل کو تیز کرنے کے لیے خصوصی سرمایہ کاری سہولت کونسل (ایس آئی ایف سی) کو مرکزی کردار دینے کا فیصلہ کیا گیا ہے۔

نجکاری کا دائرہ کار

"این این آئی" کے مطابق ابتدائی طور پر حکومت کے ما تحت 52 فیصد آئی پی پیز میں سے اسلام آباد، گوجرانوالہ اور فیصل آباد کی ڈسکوز کی نجکاری کا فیصلہ کیا گیا۔

کامیابی کے لئے اقدامات

نجکاری کے عمل کو کامیاب بنانے کے لیے سٹیئرنگ کمیٹی کی تشکیل کے ذریعے سنجیدہ اقدامات کیے جا رہے ہیں۔ سٹیک ہولڈرز کو آگاہ کرنے اور خدشات دور کرنے کے لیے جامع حکمت عملی تیار کی جا رہی ہے۔ کمیٹی کی جانب سے ممکنہ خطرات اور چیلنجز کی پیشگی نشاندہی سے نجکاری کی کامیابی کے امکانات بڑھیں گے۔ کمیٹی ہفتہ وار پیشرفت کی رپورٹیں فراہم کر کے نجکاری کے عمل میں شفافیت اور جوابدہی کو یقینی بنا رہی ہے۔