پی ٹی آئی کو کہیں نہ کہیں دشمن ملک سے سپورٹ مل رہی ہے: سعید غنی

سعید غنی کے اس دعویٰ کی تفصیلات

کراچی (ڈیلی پاکستان آن لائن) صوبائی وزیر ہاوسنگ سعید غنی نے کہا ہے کہ پی ٹی آئی کو کہیں نہ کہیں دشمن ملک سے سپورٹ مل رہی ہے۔

یہ بھی پڑھیں: اب میں ملک ہی نہیں دنیا بھی چلا رہا ہوں: ڈونلڈ ٹرمپ کا دعویٰ

فارن فنڈنگ کیس اور پی ٹی آئی

کراچی میں صوبائی وزیر ناصر حسین شاہ کے ہمراہ میڈیا سے گفتگو میں صوبائی وزیر سعید غنی کا کہنا تھا کہ پی ٹی آئی کے فارن فنڈنگ کیس میں دیکھ لیں بھارت کی جانب سے فنڈنگ کی گئی ہے۔ پی ٹی آئی غیر ملکی امداد لیتی رہی، اس کا ریکارڈ موجود ہے۔

یہ بھی پڑھیں: عام انتخابات میں ووٹ چرائے، 100 سے زیادہ نشستوں پر ہیرا پھیری کی گئی: رہول گاندھی کا دھماکہ خیز انکشاف، مودی کے انتخابی فراڈ کا پردہ چاک کر دیا

عدالتی ریلیف اور احتجاج کی حقیقت

انہوں نے کہا کہ 9 مئی کے کیسز میں پی ٹی آئی کو ریلیف ملتا رہا، پی ٹی آئی کے کیسز میں عدالتیں ریلیف دے رہی ہیں۔ درجنوں امریکیوں نے بانی پی ٹی آئی کے حق میں خطوط لکھے، جبکہ فلسطین میں ظلم پر قرارداد نہیں آتی، مگر یہاں جیل میں پڑے انسان کے حق میں قرارداد لائی گئی۔ یہ ملک کو نقصان پہنچاتے ہیں اور باہر گھوم پھر رہے ہوتے ہیں۔

یہ بھی پڑھیں: بلال فاروق تارڑ کا بلا مقابلہ منتخب ہونا عوام کے اعتماد کا منہ بولتا ثبوت ہے، وزیراعلیٰ مریم نواز

ناصر حسین شاہ کی رائے

صوبائی وزیر ناصر حسین شاہ نے کہا کہ پی ٹی آئی نے احتجاج میں خیبرپختونخوا کے وسائل استعمال کئے، بہت بڑی تعداد میں لوگ کے پی سے لائے گئے، جن میں غیر ملکی بھی شامل ہیں۔ پی ٹی آئی کا مستقبل پی ٹی آئی پی میں ہے، ہم چاہتے ہیں پی ٹی آئی سیاسی دھارے میں شامل ہو۔

ملکی ترقی کی سمت

ناصر حسین شاہ کا مزید کہنا تھا کہ ہمارا ملک اس وقت ترقی کی طرف جارہا ہے، ہم معیشت کی بہتری کی طرف جارہے ہیں۔ پاکستان ہے تو ہم ہیں، ہمیں سب سے پہلے ملک کا سوچنا چاہئے۔