سرکاری ملازمین کو پلاٹ دینے کیلئے منصوبہ طلب

اجلاس کی تفصیلات

لاہور (ڈیلی پاکستان آن لائن) وزیراعلیٰ پنجاب مریم نواز کی زیر صدارت صوبائی کابینہ کا 20واں اجلاس ہوا۔ اجلاس میں چوبرجی گارڈن میں سرکاری ملازمین کے لیے 3 سہ منزلہ ٹاور بنانے کی منظوری دی گئی۔ وزیراعلی مریم نواز نے سرکاری ملازمین کو پلاٹ دینے اور گھر کے لیے قرض دینے کا پلان طلب کرلیا۔

یہ بھی پڑھیں: سیکرٹری قومی اسمبلی طاہر حسین مستعفی

تعلیمی اصلاحات

اجلاس میں پنجاب کے سرکاری سکولوں میں سپوکن انگلش اور ریڈنگ آورز کے لیے فاؤنڈیشنل لرننگ پالیسی پنجاب 2024 کی منظوری دی گئی۔

یہ بھی پڑھیں: یہ بدصورتی اور نحوست کی علامت ہے، مشی خان کا لابوبو گڑیا پر سخت ردعمل

ماڈل بازار کی منصوبہ بندی

پنجاب کے ہر ڈسٹرکٹ میں ماڈل بازار قائم کرنے کے پراجیکٹ کے لیے کابینہ نے ابتدائی طور پر 2 ارب 58 کروڑ کی منظوری دے دی۔

یہ بھی پڑھیں: ایشیائی ترقیاتی بینک کا پاکستان کو 8 کروڑ 62 لاکھ ڈالر ترقیاتی قرض فراہم کرنے کا اعلان

ٹرانسپلانٹ پروگرام

اجلاس میں وزیراعلی پنجاب نے ٹرانسپلانٹ پروگرام کے لیے اڑھائی ارب روپے کی منظوری دی۔ پنجاب بھر میں لیور، کڈنی، بون میرو اور دیگر ٹرانسپلانٹ کیے جائیں گے۔

یہ بھی پڑھیں: دہشتگردوں کی دس نسلیں بھی پاکستان اور بلوچستان کا کچھ نہیں بگاڑ سکتیں:آرمی چیف

گلگت بلتستان کو سہولیات

پنجاب کی طرف سے گلگت بلتستان کو ایم آر آئی اور کیتھ لیب کی فراہمی کی منظوری دی گئی۔

یہ بھی پڑھیں: بھارت کی پاکستان کا پانی بند کرنے کی دھمکی کسی صورت قبول نہیں: وزیراعظم

نوجوانوں کے لیے پروگرامز

ٹورازم انٹرن شپ پروگرام کی لانچنگ اور پنجاب کے نرسنگ کالجزمیں ایوننگ کلاسز کے اجراء کی منظوری دی گئی۔

بھرتیوں کی منظوری

پنجاب ایگریکلچر فوڈ اینڈ ڈرگ اتھارٹی کی 276 تکنیکی اسامیوں پر بھرتی کی منظوری دے دی گئی۔ اجلاس میں کابینہ نے پنجاب فرانزک سائنس اتھارٹی کے پرانے اور فرسودہ آلات تبدیل کرنے کی منظوری بھی دی۔ 42 سال بعد بارڈر ملٹری پولیس اور بلوچ لیوی میں 464 خالی اسامیوں پر بھرتیوں کی منظوری دی گئی۔