اپوزیشن لیڈر عمر ایوب نے جوڈیشل کمیشن کی رکنیت سے استعفیٰ دے دیا

عمر ایوب کا جوڈیشل کمیشن سے استعفیٰ

اسلام آباد(ڈیلی پاکستان آن لائن) پاکستان تحریک انصاف کے رہنما اور قومی اسمبلی میں اپوزیشن لیڈر عمر ایوب نے جوڈیشل کمیشن کی رکنیت سے استعفیٰ دے دیا۔ عمر ایوب نے اپنا استعفیٰ سپیکر قومی اسمبلی کو بھجوادیا ہے۔

یہ بھی پڑھیں: دریائے ستلج کے سیلابی ریلوں سے بہاولپور کے 7بند ٹوٹنے سے ہزاروں ایکڑ فصلیں زیر آب آگئیں

نئی نامزدگی

چیئرمین پی ٹی آئی بیرسٹر گوہر کو اپنی جگہ جوڈیشل کمیشن کا رکن نامزد کیا ہے۔ جیو نیوز کے مطابق، عمر ایوب کا کہنا تھا کہ انہوں نے جوڈیشل کمیشن سے استعفیٰ دینے کا فیصلہ اپنے خلاف درج مقدمات کے باعث کیا ہے۔

یہ بھی پڑھیں: اسلام آباد میں جو کچھ ہوا ٹھیک نہیں تھا، پی ٹی آئی میں سب دہشت گرد نہیں: حسن مرتضیٰ

لیگل چینلجز کی وجہ سے استعفیٰ

عمر ایوب کے مطابق موجودہ لیگل چینلجز جوڈیشل کمیشن میں مؤثر کارکردگی دکھانے میں رکاوٹ ہیں۔ ادارے کے مفاد میں ہے کہ میں کسی اور کو اپنی جگہ نامزد کروں جو اپنی تمام توجہ اس اہم رول پر ادا کرسکے۔

اسپیکر سے درخواست

عمر ایوب نے اسپیکر قومی اسمبلی سے درخواست کی ہے کہ میرا استعفیٰ جلد منظور کرکے بیرسٹر گوہر کو جوڈیشل کمیشن کا رکن نامزد کیا جائے۔