فرانس اور سعودی عرب فلسطینی ریاست کے قیام کے لئے مشترکہ کانفرنس بلانے پر متفق

فرانس اور سعودی عرب کی مشترکہ کانفرنس

ریاض (ڈیلی پاکستان آن لائن) فرانس اور سعودی عرب فلسطینی ریاست کے قیام کے لئے مشترکہ کانفرنس بلانے پر متفق ہو گئے۔

یہ بھی پڑھیں: ہاتھوں میں ہاتھ، چہروں پر مسکراہٹیں، پاکستان، ترکیہ اور آذربائیجان کی سیاسی قیادت کی تصاویر وائرل، چہل قدمی بھی کی

سعودی ولی عہد سے ملاقات

روز نامہ امت کے مطابق ریاض میں سعودی ولی عہد شہزادہ محمد بن سلمان کے ساتھ ملاقات کے بعد فرانسیسی صدر میکرون کا کہنا تھا کہ ممکنہ فلسطینی ریاست کے قیام کے لئے جون میں کانفرنس بلائی جائے گی جس کی مشترکہ صدارت ولی عہد شہزادہ محمد سلمان کریں گے۔

یہ بھی پڑھیں: غیر اعلانیہ لوڈشیڈنگ پر سندھ ہائیکورٹ برہم، کے الیکٹرک سے رپورٹ طلب

کانفرنس کا مقصد

صدر میکرون نے کہا کہ کانفرنس کا مقصد مسئلہ فلسطین کے حل کے لئے عالمی شراکت داروں کو ایک پلیٹ فارم پر لانا ہے تاکہ دو ریاستی حل کی طرف قدم بڑھایا جا سکے۔

سفارتی کوششوں میں تیزی

فرانسیسی صدر نے مزید کہا کہ فرانس اور سعودی عرب آئندہ عرصے میں اس مسئلے کے حل کے لئے اپنی سفارتی کوششوں میں تیزی لائیں گے، اور اس عمل میں یورپی اور غیر یورپی شراکت داروں کو شامل کرنے کا عندیہ بھی ظاہر کیا ہے۔