سرفراز بگٹی بلوچستان میں گندم کے محفوظ ذخائر نہ ہونے پر برہم

وزیراعلیٰ بلوچستان کی سختی

کوئٹہ (ڈیلی پاکستان آن لائن) وزیراعلیٰ بلوچستان سرفراز بگٹی صوبے میں گندم کے محفوظ ذخائر کے انتظامات نہ ہونے پر برہم ہوگئے۔

یہ بھی پڑھیں: کرم: فائرنگ سے مزید 6 افراد جاں بحق، ہلاکتیں 130 ہوگئیں

محکمہ فوڈ کی وضاحت

وزیراعلیٰ بلوچستان نے محکمہ فوڈ سے استفسار کیا کہ محفوظ ذخائر کی استعداد نہیں ہے تو اتنی گندم خریدی کیوں جاتی ہے؟ سرفراز بگٹی نے بلوچستان میں گوداموں میں موجود گندم کے ذخائر کی جائزہ رپورٹ پیش کرنے کی ہدایت کی۔

یہ بھی پڑھیں: شیخ مجیب اگرتلہ سازش کیس میں قید تھے تو اُنکے خصوصی نائب ڈاکٹر کمال الدین بھٹو کے ساتھ رابطے میں تھے، بھارت اس خوفناک سازش کا اہم مرکز تھا

کراچی میں کاروباری دورہ

دوسری طرف سرفراز بگٹی کراچی پہنچے، جہاں انہوں نے فیڈریش آف پاکستان چیمبر آف کامرس اینڈ انڈسٹری (ایف پی سی سی آئی) کا دورہ کیا۔ اس موقع پر وزیراعلیٰ بلوچستان کا کہنا تھا کہ معدنیات کے شعبے میں ویلیو ایڈیشن کے ذریعے اربوں ڈالر کما سکتے ہیں، ہم معدنیات برآمد کریں گے۔

یہ بھی پڑھیں: اقوام متحدہ کے سیکرٹری جنرل نے پاکستان اور بھارت کے درمیان ثالثی کی پیشکش کردی

کاروباری مواقع اور سیکیورٹی

تقریب سے خطاب میں سرفراز بگٹی نے کہا کہ بلوچستان میں کاروبار کے بہت زیادہ مواقع ہیں، کاروباری افراد کو سکیورٹی فراہم کرنا ہماری ذمہ داری ہے۔ انہوں نے کہا کہ کاروباری افراد کو سرمایہ کاری کے لئے فول پروف سکیورٹی دے سکتے ہیں، سرمایہ کار ملک کی ترقی کے لئے اپنا کردار ادا کریں۔

صنعتی ترقی اور توانائی

وزیراعلیٰ بلوچستان نے مزید کہا کہ بلوچستان میں صنعتی ترقی کے لئے توانائی کے متبادل ذرائع پر توجہ دینا ہوگی، صوبے میں پبلک پرائیویٹ پارٹنر شپ کے تحت سرمایہ کاری کی جائے۔ سرفراز بگٹی نے کہا کہ بلوچستان کی ترقی کے لئے 210 ارب کا ترقیاتی بجٹ ناکافی ہے۔