میں نے ایم ایس دھونی سے پچھلے 10سالوں سے بات نہیں کی، ہر بھجن سنگھ کا انکشاف

ہر بھجن سنگھ کا دھونی سے 10 سال کا خاموشی کا راز

اسلام آباد(ڈیلی پاکستان آن لائن) سابق بھارتی آف سپنر ہربھجن سنگھ نے انکشاف کیا ہے کہ انہوں نے سابق کپتان مہندر سنگھ دھونی سے پچھلے 10 سالوں سے بات نہیں کی ہے۔

یہ بھی پڑھیں: بہترین انتظامات کیے ،حضرت داتا گنج بخشؒ کے زائرین ہمارے مہمان ہیں: وزیر اعلیٰ پنجاب

چنئی سپر کنگز میں محدود گفتگو

اے آر وائی نیوز کے مطابق جارح مزاج آف سپنر نے کہا کہ "میں دھونی سے بات نہیں کرتا، جب میں چنئی سپرکنگز کے لیے کھیلتا تھا تو ہم میں بس میچ کی حد تک باتیں ہوجاتی تھیں اور یہ گفتگو بس گراؤنڈ کی حد تک ہی ہوتی تھی۔"

یہ بھی پڑھیں: رانا ثناء اللّٰہ کا مخصوص نشستوں کے کیس کے فیصلے سے متعلق تبصرہ

خاموشی کی وجوہات

انہوں نے کہا کہ "ہمیں بات کیے ہوئے 10 سال یا شاید اس سے بھی زیادہ کا عرصہ ہوچکا ہے، میری پاس اس کی کوئی وجہ نہیں ہے، شاید دھونی یہ جانتے ہوں۔" ان کا کہنا تھا کہ "مجھے ان سے کوئی شکایت نہیں ہے، ہاں اگر ان کے پاس کچھ کہنے کو ہے تو وہ مجھے کہہ سکتے ہیں۔"

یہ بھی پڑھیں: کراچی میں شوہر کا بیوی کے ساتھ غیر فطری جنسی عمل، لڑکی شادی کے تیسرے ہی روز کوما میں چلی گئی

کال کرنے کی عدم کوشش

انہوں نے مزید کہا "میں نے کبھی دھونی کو کال کرنے کی کوشش نہیں کی، میں صرف انہی کو کال کرتا ہوں جو میرے کال ریسیو کرتے ہیں۔"

میچوں کی عدم شرکت

2015 میں ساؤتھ افریقہ کے خلاف ون ڈے میچ کے بعد سے دھونی اور ہربھجن سنگھ نے کبھی کوئی میچ ساتھ نہیں کھیلا، بلکہ 2015 کے ون ڈے عالمی کپ تک خاموشی سے ہربھجن اور یوراج جیسے پلیئرز کو ٹیم سے سائیڈ لائن کردیا گیا تھا۔