پی ٹی آئی کا گورنر خیبر پختونخوا کی اے پی سی میں عدم شرکت کا اعلان

پی ٹی آئی کا اے پی سی میں عدم شرکت کا فیصلہ

اسلام آباد (ڈیلی پاکستان آن لائن) پاکستان تحریک انصاف (پی ٹی آئی) نے گورنر خیبر پختونخوا کی طلب کردہ آل پارٹیز کانفرنس (اے پی سی) میں عدم شرکت کا اعلان کردیا۔

یہ بھی پڑھیں: وزیر خارجہ اسحاق ڈار سے بنگلہ دیش کی سیاسی جماعتوں کے وفود کی ملاقاتیں، تعلقات مضبوط بنانے پر گفتگو

عوام کی نمائندگی کا دعویٰ

پی ٹی آئی کے سیکرٹری اطلاعات شیخ وقاص اکرم نے کہا کہ خیبر پختونخوا کے عوام کی نمائندگی تحریک انصاف کے پاس ہے۔

یہ بھی پڑھیں: باجوڑ: اے این پی عہدیدار کو قتل کردیا گیا

خونریزی کی خاموش سہولت کاری

شیخ وقاص اکرم نے کہا کہ گورنر خیبر پختونخوا کی طلب کردہ اے پی سی میں عدم شرکت کا فیصلہ نہتے اور پرامن شہریوں کے قتل عام میں خاموش سہولت کاری پر کیا گیا ہے۔

یہ بھی پڑھیں: Inside Story of the Meeting Between Asif Zardari, Nawaz Sharif, and Fazlur Rehman Revealed

سیاسی اجرت کے تحت فیصلے

انہوں نے مزید کہا کہ یہ فیصلہ سیاسی اجرت کے عوض قاتلوں کی ہمنوائی کے پیشِ نظر کیا گیا ہے۔ پی ٹی آئی پر پابندی کے مذموم حکومتی ایجنڈے کی پیپلز پارٹی سرگرم پشت پناہ ہے۔

یہ بھی پڑھیں: عالمی منڈی میں خام تیل کی قیمتیں مزید بڑھ گئیں

بلدیاتی امور میں پیپلز پارٹی کا کردار

اُن کا کہنا تھا کہ پیپلز پارٹی نے بلوچستان اسمبلی سے پابندی کی قرارداد منظور کرانے میں کردار ادا کیا ہے، جبکہ سندھ میں پی پی ہمارے کارکنوں کی پکڑ دھکڑ اور ہراسانی میں مصروف ہے۔

یہ بھی پڑھیں: ایک اور شرمناک واقعہ، 4 بچوں کی ماں اپنی بیٹی کے سسر کے ساتھ بھاگ گئی

جعلی جمہوریت کا تاثر

پی ٹی آئی ترجمان نے یہ بھی کہا کہ پیپلز پارٹی بے جان نمائشی مجالس کے ذریعے اپنی جمہوریت نوازی کا تاثر دینا چاہتی ہے، جبکہ پی پی کا خیبر پختونخوا میں کوئی مینڈیٹ نہیں ہے۔

عوام کی حقیقی نمائندگی

انہوں نے کہا کہ خیبر پختونخوا کے عوام کی نمائندگی پی ٹی آئی کے پاس ہے، جب بھی گورنر کسی معاملے پر سنجیدہ رائے کے پی حکومت کو بھجوائیں گے، تو غور کریں گے۔