لاہور ہائیکورٹ میں ججز کی تقرری کا معاملہ، وکلاء کے ناموں کی فہرست میں دو مزید نام شامل، تعداد 9 کر دی گئی.

لاہور ہائیکورٹ میں ججز کی تقرری

لاہور ( ڈیلی پاکستان آن لائن ) لاہور ہائیکورٹ میں ججز کی تقرریوں کیلئے مزید دو وکلاء کے نام فہرست میں شامل کردیئے گئے۔

فہرست میں اضافہ

لاہور ہائیکورٹ میں ججز کی تقرری کے لئے بنائی گئی فہرست میں وکلاء کے ناموں کی تعداد 7 سے بڑھا کر 9 کر دی گئی ہے۔ سابق صدر لاہور ہائیکورٹ بار سردار اکبر ڈوگر اور سینئر وکیل وقار حیدر اعوان کا نام لسٹ میں شامل کر لیا گیا ہے۔

تجویز اور اگلا مرحلہ

دونوں وکلاء کے نام پنجاب بار کونسل کے ممبر کی تجویز پر لسٹ میں شامل کئے گئے ہیں۔ چیف جسٹس کی سربراہی میں 14 دسمبر کو ہونے والے جوڈیشل کمیشن اجلاس میں وکلاء کے ناموں پر غور کیا جائے گا۔