کراچی: 10 سالہ بچہ رہائشی عمارت کی لفٹ میں پھنسنے سے جاں بحق

حادثہ کی تفصیلات

کراچی (ڈیلی پاکستان آن لائن) گلستان جوہر بلاک انیس کی رہائشی عمارت میں ایک بچے کا سر لفٹ میں پھنس گیا۔

یہ بھی پڑھیں: تحریک انصاف کے اہم رہنما کی ضمانت منظور

ریسکیو آپریشن

لفٹ میں پھنسے 10 سالہ کریم کو نکالنے کے لئے ریسکیو نے آپریشن کیا۔ ریسکیو حکام کے مطابق بچے کا سر لفٹ میں آنے سے بری طرح زخمی ہو گیا۔ ریسکیو ٹیم نے لفٹ کو کاٹ کر بچے کو باہر نکالا۔

یہ بھی پڑھیں: پاکستانی عسکری و سیاسی قیادت نے بھارت کے غرور کو دھول چٹا دی: ناصر اقبال بوسیال

بچہ ہسپتال منتقل

ریسکیو کے مطابق، لفٹ سے بچے کا سر نکال کر شدید زخمی حالت میں ہسپتال منتقل کر دیا گیا، لیکن کریم علاج کے دوران دم توڑ گیا۔

عینی شاہدین کی گواہی

عینی شاہدین کے مطابق، دو بچے اچانک لفٹ میں سوار ہوئے، ایک لفٹ میں سوار ہوگیا جبکہ دوسرے کا سر دروازے میں پھنس گیا۔ علاقہ مکینوں کے مطابق، دس سالہ کریم 3 بہنوں کا اکلوتا بھائی تھا۔